ជីវិតកម្សាន្ដ
សាយ ប្រកាសកម្មវិធី “រត់ដើម្បីសប្បុរសធម៌ រត់ដើម្បីកុមារកម្ពុជា” សង្គ្រោះជីវិតកុមារពីជំងឺមហារីក
តារាចម្រៀងលោក អួន បឋម ហៅ សាយ ថ្មីៗនេះបានប្រកាសបើកសម្ពោធជាផ្លូវការ នៃកម្មវិធីសប្បុរសធម៌ថ្មីមួយទៀតមានឈ្មោះថា «Run wit h Sai ៤ សែនជំហាន»។

កម្មវិធីនេះធ្វើឡើងក្នុងគោលបំណងប្រមូលថវិកា ៤០ ម៉ឺនដុល្លារ ជួយដល់យុទ្ធនាការសង្គ្រោះជីវិតកុមារពីជំងឺមហារីកនៅក្នុងមន្ទីរពេទ្យកុមារអង្គរ ខេត្តសៀមរាប។

ចំពោះកម្មវិធី«Run with Sai ៤ សែនជំហាន» នឹងចាប់ផ្ដើមរត់ចាប់ពីថ្ងៃទី ២២ ខែតុលា ឆ្នាំ ២០២២ ដល់ថ្ងៃទី ៣០ ខែតុលា ឆ្នាំ ២០២២ ដែលមានរយៈពេល ៩ ថ្ងៃ។ គោលដៅគឺចេញពីទីក្រុងភ្នំពេញទៅកាន់ខេត្តសៀមរាបក្នុងរយៈចម្ងាយ ៣០៣ គីឡូម៉ែត្រ។

លោក សាយ បានថ្លែងពីចំណាប់អារម្មណ៍របស់ខ្លួនថា ពួកយើងចង់ឃើញស្នាមញញឹមរបស់កុមារ ពួកយើងចង់ឃើញពួកគាត់រត់លេងសប្បាយរីករាយ ប៉ុន្តែអ្នកទាំងអស់គ្នាដឹងទេថា ជំងឺមហារីកក៏អាចកើតឡើងចំពោះកុមារដូចគ្នា។ ប្រសិនបើគ្មានការព្យាបាលឲ្យបានត្រឹមត្រូវទេ ក្នុងចំណោមកុមារមានជំងឺមហារីក ៥ នាក់ មានតែម្នាក់ប៉ុណ្ណោះដែលអាចរួចផុតពីជំងឺដ៏កាចសាហាវទាំងនេះ។

លោក សាយ បន្តទៀតថា មន្ទីរពេទ្យកុមារអង្គរ បានធ្វើការព្យាបាលជំងឺមហារីកជូនដល់កុមារកម្ពុជាដោយឥតគិតថ្លៃ។ ចូលរួមរត់ជាមួយពួកយើង និងបរិច្ចាគទៅកាន់មន្ទីរពេទ្យកុមារអង្គរ ដើម្បីជួយសង្គ្រោះជីវិតកុមារដែលមានជំងឺមហារីក។ ចូលរួមទាំងអស់គ្នា ដើម្បីស្នាមញញឹមកុមារកម្ពុជា។

ចូលរួមការបរិច្ចាគមកឥឡូវនេះតាមរយៈគណនីដូចតទៅ,គណនីមន្ទីរពេទ្យកុមារអង្គរ ABA :(000 32 0 555) ,WING : 9122(រៀល) និង 8122 ($)។

សូមជម្រាបថា លោក សាយ បច្ចុប្បន្នត្រូវបានគេមើលឃើញថា កាន់តែមានការគាំទ្រ និងមានប្រជាប្រិយភាពខ្លាំង តាមរយៈការងារសប្បុរសធម៌ជួយសង្គម និងវិស័យសិល្បៈ។

ទន្ទឹមគ្នា នៃសន្ទុះការគាំទ្រកាន់តែហក់ឡើងនេះដែរ លោក សាយ ក៏មិនដែលភ្លេចឡើយចំពោះការងារកៀរគររកថវិកាដើម្បីជួយដល់កុមារនៅកម្ពុជា។ សកម្មភាពនេះ កំពុងទទួលបានការសរសើរពីមជ្ឈដ្ឋានមហាជនគ្រប់ទីកន្លែង៕
អត្ថបទ ៖ ចាន់រ៉ា

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ