ជីវិតកម្សាន្ដ

បាត់មុខយូរ តួឯកស្រី F4 កូរ៉េ ដើរលើកម្រាលព្រំក្រហម ទាក់ទាញការចាប់អារម្មណ៍យ៉ាងខ្លាំង

បានផុស

២ years មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

ក្រោយបាត់មុខមួយរយៈធំ តារាសម្ដែង Goo Hye Sun បានបង្ហាញខ្លួនក្នុងរ៉ូបពណ៌ខ្មៅ ដើរលើកម្រាលព្រំក្រហមម្សិលមិញ កំពុងតែទាក់ទាញការចាប់អារម្មណ៍យ៉ាងខ្លាំង ពីមហាជនប្រុស-ស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីរូបនេះ បានបង្អួតសម្រស់ដ៏ចាស់ទុំ និងសុភាពរាបសារ ជាមួយនឹងរ៉ូបដៃវែងដ៏ស្រស់ស្អាត ដែលទាក់ទាញការចាប់អារម្មណ៍ពីអ្នកនិយមលេងអ៊ីនធឺណិតជាច្រើន ខណៈពេលដែលនាងបានដើរលើកម្រាលព្រំក្រហមនៃពិធីបើកមហោស្រពភាពយន្តអន្តរជាតិ Busan លើកទី២៧ ដែលធ្វើឡើងនៅមជ្ឈមណ្ឌលភាពយន្ត Hae Eun ទីក្រុង Daegu កាលពីរសៀលថ្ងៃទី៥ ខែតុលា កន្លងទៅ។

លើសពីនេះ គឺរូបរាងរបស់នាងប្រែប្រួលច្រើន ដែលកាលពីមុនគេឃើញតួឯកស្រីក្នុងរឿង “កន្លង់បាក់ស្លាប កុលាបបាក់ទង” រូបនេះមានរាងស្វែលស្អាត និងជាអាយដលរបស់ស្រីៗជាច្រើន។

ដោយឡែកតារាសម្ដែង Goo Hye Sun ក៏ធ្លាប់បានពន្យល់នៅលើ Instagram របស់នាងថា “ខ្ញុំឡើងទម្ងន់បន្តិច ដោយសារខ្ញុំទទួលរងនូវភាពតានតឹងជាច្រើននាពេលថ្មីៗនេះ” ការបង្ហោះនេះគឺឆ្លើយតបទៅនឹងអ្នកនិយមលេងអ៊ីនធឺណិត ដែលតែងតែរិះគន់នឹងរូបរាងដ៏ធាត់របស់តារាស្រីរូបនេះ នៅក្នុងព្រឹត្តិការណ៍ចុងក្រោយបំផុត៕

ប្រែសម្រួល៖ សាង ស្រីល័ក្ខ

ចុចអាន៖បាត់មុខយូរ តួឯកស្រី F4 កូរ៉េ ដើរលើកម្រាលព្រំក្រហម ទាក់ទាញការចាប់អារម្មណ៍យ៉ាងខ្លាំង

ចុចអាន៖បណ្ដាញអ៊ីនធឺណិត លើកសរសើរ Sandara Park ថា ជាតារាកូរ៉េមានម៉ូដប្លែកពីគេ