ជីវិតកម្សាន្ដ

អលង្ការមួយឈុតដែល Jisoo ពាក់ថ្ងៃមុន តម្លៃអាចទិញផ្ទះពីរបីល្វែង

បានផុស

២ years មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

Sonya

Jisoo សមាជិកក្រុម BLACKPINK ត្រូវបានប្រព័ន្ធផ្សព្វផ្សាយនានាចាត់ទុកព្រះនាងម្ចាស់នៃពិភព K-Pop ព្រោះតាំងពីបង្ហាញខ្លួនដំបូងក្នុងឆ្នាំ២០១៦ តារាចម្រៀងរូបនេះបានធ្វើឲ្យអ្នកនិយមលេងអ៊ីនធឺណិតស្រឡាញ់គាំទ្រយ៉ាងខ្លាំងនូវទេពកោសល្យ សមត្ថភាព និងសម្រស់របស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារប្រជាប្រិយភាពរបស់ Jisoo ចេះតែកើនឡើងជារៀងរាល់ថ្ងៃ នាងត្រូវបានម៉ាកយីហោប្រណីតធំៗដណ្ដើមគ្នាយក ដើម្បីឱ្យនាងតំណាងផលិតផលរបស់ពួកគេ ខណៈកាលពីដើមឆ្នាំនេះយីហោអលង្ការ Cartier បានប្រកាសសមាជិក BLACKPINK រូបនេះជាឯកអគ្គរដ្ឋទូតពិភពលោកថ្មីបំផុតសម្រាប់ប្រេនរបស់ខ្លួន។

ដោយឡែកថ្មីៗនេះ Jisoo បានចូលរួមក្នុងព្រឹត្តិការណ៍បើកដំណើរការឡើងវិញរបស់ Cartier Maison Cheongdam ដែលបានធ្វើឡើងនៅឯសាល Seoul Wave Art ទីក្រុងសេអ៊ូល ជាមួយនឹងឈុតអលង្ការមួយឈុតតម្លៃរាប់សែនដុល្លារឯណោះ។

ស្ថិតក្នុងសម្លៀកបំពាក់ខ្មៅលាយស Jisoo បានពាក់នាឡិកា Panthère De Cartier ដ៏ប្រណីតដែលមានតម្លៃជាង ៨០០០ដុល្លារអាមេរិក។ ចំណែកចិញ្ចៀនម៉ាក Panthère De Cartier មានតម្លៃ ១៥,០០០ដុល្លារអាមេរិក។ ចំពោះខ្សែកពេជ្រវិញ វាមានតម្លៃដល់ទៅ ២២៤,០០០ដុល្លារអាមេរិក។ សរុបអលង្ការមួយតួខ្លួនរបស់ Jisoo ថ្ងៃមុននេះ គឺ ២៣៩,៨០០ដុល្លារអាមេរិក៕