Patricia បណ្ដើរអនាគតស្វាមីទៅលឈុតរៀបការ ត្រៀមចូលរោងជ័យ ២ខែទៀត

ត្រៀមរៀបការនៅខែធ្នូ ចុងឆ្នាំនេះ ​​តារា​សម្ដែងស្រី Patricia Good និងគូស្នេហ៍​ Note Wiset Rangsi Singpipat បណ្ដើរគ្នាទៅលឈុតអាពាហ៍ពិពាហ៍រួចរាល់ ធ្វើឱ្យអ្នកគាំទ្រឃើញហើយ នាំគ្នាចូលរួមអបអរសាទរយ៉ាងព្រោងព្រាត។

ថ្មីៗ​នេះ Note បាន​នាំ​កូនក្រមុំរបស់ខ្លួន ទៅ​ល​ឈុតរៀបការពីរបីឈុត ដោយក្នុងនោះអនាគតកូនកំលោះបានបង្ហោះរូបភ្ជាប់នឹងសំណេរដ៏ផ្អែមថា “អនាគតកូនក្រមុំរបស់ខ្ញុំ” ។ ដោយឡែកចំពោះអនាគតកូនក្រមុំវិញ នាងបានបង្ហោះសារយ៉ាងរំភើបចិត្តថា “រំភើបណាស់ រ៉ូបសុទ្ធតែស្អាតៗ ចូលចិត្តគ្រប់ឈុតតែម្ដង មិនដឹងជ្រើសរើសមួយណាទេ”។

បន្ទាប់ពីរូបថត និងវីដេអូឃ្លីប បានចែកចាយលើអ៊ីនធឺណិត អ្នកគាំទ្របានសម្ដែងនូវក្ដីត្រេកអរជំនួសចំពោះអនាគតស្វាមីភរិយាថ្មោងថ្មី និងទន្ទឹងចាំថ្ងៃពិសេសរបស់អ្នកទាំងពីរស្ទើរតែគ្រប់គ្នា៕

ប្រែសម្រួល៖ សន្យា

ចុចអាន៖ ចិត្តបុណ្យណាស់ Aum ទៅវត្តឧទ្ទិសកុសលជូនជនរងគ្រោះ ស្លាប់ក្នុងហេតុការណ៍សម្លាប់កុមារ