ជីវិតកម្សាន្ដ

ស៊ិន ឧត្តមផល្លា សុំចិត្តអ្នកប្រើប្រាស់បណ្តាញសង្គម ត្រូវផុសអ្វីដែលផ្តល់ចំណេះដឹងនិងជាប្រ យោជន៍ដល់សង្គម

បានផុស

៤ years មុន

នៅ

ថ្ងៃព្រហស្បតិ៍ ៣១ ធ្នូ ២០២០

ដោយ

ដោយសង្កេតឃើញអំឡុងមួយរយៈពេលចុងក្រោយ មានយុវវ័យនិងបុគ្គលមួយចំនួនបានប្រើប្រាស់បណ្តាញសង្គមហ្វេសប៊ុក យកធ្វើជាគោលដៅ ឬទីកន្លែងដើម្បីទាញយកផលប្រយោជន៍ផ្ទាល់ខ្លួនឬជេរប្រមាថហែកហួរគ្នានោះ តារាចម្រៀងពីរភាសារ ខ្មែរ-ចិន អ្នកនាង ស៊ិន ឧត្តមផល្លា បានចេញមុខស្នើសុំចិត្តមហាជនឲ្យបញ្ឈប់សកម្មភាពនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃការទទូចសុំចិត្តមហាជននេះដែរ តារាចម្រៀងជាប់ងារជាអ្នកមេម៉ាយចាយសម្រស់ ស៊ិន ឧត្តមផល្លា ក៏បានព្រមានចំពោះមិត្តភក្តិនៅក្នុងបណ្តាញសង្គមហ្វេសប៊ុកផ្ទាល់ខ្លួនថា បើសិនជាមាននណាម្នាក់នៅតែបន្តសកម្មភាពបង្ហោះរឿងរ៉ាវដែលមានចេតនា ឬចរឹកមិនល្អនោះ គឺនាងនឹងសម្រេចលុប(ប្លុក)បុគ្គលទាំងនោះចេញតែម្ដង។

អ្នកនាង ស៊ិន ឧត្តមផល្លា បាននិយាយទាំងជំនឿចិត្តខ្លួនឯងបែបនេះថា មនុស្សយើងលេងហ្វេសប៊ុកគួរផុសនិយាយរឿងដែលមានប្រយោជន៍ សប្បាយៗ កាលណាយើងរៀបរាប់ពីអ្នកនេះអ្នកនោះដូចជារបៀបស៊ែពាក្យស្លោកសុភាសិត ឬផុសដៀមដាមឲ្យអ្នកដទៃមិនលោះពេលធ្វើឲ្យគេមើលមកអស់តម្លៃ និងក្លាយជាមនុស្សដែលមិនចេះអស់រឿង ។

តារាចម្រៀងចាស់វង្សាអាចរក្សាបានរូបសម្ផស្សស្រស់សោភាមិនចាញ់ក្រមុំបើទោះបីជាមានកូនរហូតដល់ទៅ៣នាក់ ហើយអ្នកនាង ស៊ិន ឧត្តមផល្លា បាននិយាយបន្ថែមទៀតថា ប្រសិនបើនៅតែមានមិត្តភក្តិក្នុងហ្វេសប៊ុករបស់ខ្លួនដែលមានចរិកបែបនេះ គឺនាងនឹងប្លុកចោល ដោយគ្មានការស្តាយក្រោយឬយោគយល់នោះឡើយ។ តាមរយៈសម្តីលើកឡើងរបស់អ្នកនាង ស៊ិន ឧត្តមផល្លា

នេះ គឺមានទស្សនិកជននិងអ្នកប្រើប្រាស់បណ្តាញសង្គមមួយចំនួនបានបង្ហាញការគាំទ្រហើយយល់ឃើញដូចគំណិតនាងផងដែរ៕

អត្ថបទ ៖ ចាន់រ៉ា