ធ្លាយតម្លៃខ្លួនតួឯកប្រុស “Squid Game” វគ្គ២ សម្ដែងមួយភាគ សឹងចាយបានកន្លះជីវិត

យោងតាមប្រភពីគេហទំព័រ AllKpop បានរាយការណ៍ថា តារាសម្ដែង Lee Jung Jae ដែលជាតួឯកប្រុសក្នុងខ្សែភាពយន្ត “Squid Game” វគ្គ២ ទទួលបានតម្លៃខ្លួនប្រហែល​ ១ពាន់លានវ៉ុន ឬប្រហែល ៧សែនដុល្លារអាមេរិក ក្នុងមួយភាគ​។

ប្រភពដដែលបានប៉ាន់ស្មាន​ថា ប្រសិនរដូវកាលទី​២ មាន​ ៩ភាគដូចរដូវកាលទី១ តួឯកប្រុសរូបនេះ​ អាចនឹងទទួលបានចំណូលប្រហែល​ ៦.៣លានដុល្លារអាមេរិក​ឯណោះ សម្រាប់ថ្លៃឈ្នួលរបស់លោក។ 

គួរឱ្យដឹងថា ខ្សែភាពយន្ត​” Squid Game” វគ្គ២ ត្រូវបានរំពឹងថានឹងចាប់ផ្ដើមថតនៅដើមឆ្នាំ២០២៣​ ខណៈពេលនេះ Lee Jung Jae​ បានចុះហត្ថលេខាលើគម្រោងរួចរាល់ហើយ​ ជាមួយនឹងប្រាក់ធានាចំនួន​ ១ពាន់លានវ៉ុន ក្នុងមួយភាគ​។ ដោយឡែកសម្រាប់ដើមទុកផលិត​រដូវកាលទី២ គេប៉ាន់ស្មានថាអាចចំណាយចំនួន ៧០លានដុល្លារ​អាមេរិក ដោយមិនរាប់បញ្ចូលប្រាក់ជួលតួឯកឡើយ៕

ប្រែសម្រួល៖ សន្យា

ចុចអាន៖ គណនីដែលតែងបង្ហោះរូបបែកធ្លាយរវាង Jennie និង V ចេញមុខឆ្លើយតបជាមួយផលិតកម្ម YG

ចុចអាន៖ ស្រ្គីបភាពយន្ត “Squid Game” វគ្គ២ កំពុងជាប់គាំង ព្រោះផលិតករស្មុគស្មាញលើរឿងមួយ