ជីវិតកម្សាន្ដ

កូនស្រី ឈិនឡុង តម្រង់ជួរសុំអាហារតាមចិញ្ចើមផ្លូវ ជាមួយជនអនាថា

បានផុស

២ years មុន

នៅ

ថ្ងៃពុធ ១២ តុលា ២០២២

ដោយ

នាង Etta Ng Chok Lam ដែលជាកូនស្រីតារាសម្ដែងក្បាច់គុនដ៏ល្បីល្បាញ Jackie Chan ឬ ឈិនឡុង ត្រូវគេប្រទះឃើញតម្រង់ជួរសុំអាហារតាមចិញ្ចើមផ្លូវ នៅកាណាដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេហទំព័រ Yahoo News បានរាយការណ៍ថា Etta Ng Chok Lam ស្ថិតក្នុងស្ថានភាពនៃសំលៀកបំពាក់រញ៉េរញ៉ៃ និងមានរូបរាងមិនស្រស់ស្អាត ស្ទើរតែមើលមិនយល់ ហើយនាងបានឈរតម្រង់ជួរជាមួយជនអនាថាក្នុងទីក្រុង Toronto ប្រទេសកាណាដា ដើម្បីសុំចែកអាហារដោយមិនគិតថ្លៃ ជាមួយអ្នកផ្សេងទៀត។

ស្របពេលជាមួយគ្នានេះដែរ នៅលើសង្គមឯណោះវិញ រូបភាពរបស់នាងបានផ្សព្វផ្សាយពាសពេញអ៊ីនធឺណិត រហូតធ្វើឲ្យមនុស្សមួយចំនួនចូលមកបញ្ចេញមតិរៀងខ្លួន ខណៈនេះមិនមែនជាលើកទីមួយទេ ដែល Etta Ng Chok Lam ដើរសុំអាហារគេតាមផ្លូវ និងមានជីវិតរស់នៅតាមរបៀងផ្ទះគេបែបនេះ។

គួរបញ្ជាក់ថា កូនស្រីឈិនឡុង មានម្ដាយជាអតីតបវរកញ្ញាអាស៊ី Elaine Ng Yi-Lei បើតាមប្រភពព័ត៌មាន ឈិនឡុង មានកូន ២នាក់ ។ ប៉ុន្តែតាមការអះអាងពីកូនស្រីពៅនាង Etta Ng Chok Lam និយាយថា ឪពុកខ្លួនមិនធ្លាប់ខ្វល់ពីសុខទុក្ខរបស់នាងឡើយ ហើយនាងក៏មិនដែលទទួលបានភាពកក់ក្ដៅពីឪពុករូបនេះដែរ៕

ប្រែសម្រួល៖ សាង ស្រីល័ក្ខ

ចុចអាន៖តិចអត់ដឹង! តារា ចិន ទាំងនេះចេះក្បាច់គុនមែនទែន ទាំងក្នុង និងក្រៅរឿង

ចុចអាន៖តារាអាស៊ី ៥ រូប ប្រឹងជ្រៀតខ្លួន រហូតក្លាយទូតសុឆន្ទៈឲ្យម៉ាកយីហោបរទេស