តួស្រីរឿង “Squid Game” ក្លាយជាតារាអាស៊ីតែមួយគត់ ស្ថិតក្នុងចំណោមស្រីស្អាតបំផុតលើពិភពលោក

កាលពីម្សិលមិញនេះ គ្រូពេទ្យវះកាត់នៅ Harley Street បានបញ្ចេញបញ្ជីឈ្មោះតារាស្រីមកពីជុំវិញពិភពលោក ជាមួយនឹងមុខនៃសមាមាត្រមាស ហើយ​ត្រូវ​បាន​គេ​ចាត់​ទុក​ថា ​ជា​នារី​ស្អាត​បំផុត​ក្នុងពិភពលោក។

យោង​តាម​បច្ចេកទេស​នេះ​ មានតាំងពីសម័យបុរាណ ហើយត្រូវបានគេប្រើដើម្បីវាស់ស្ទង់ភាព​ល្អឥតខ្ចោះ​ខាង​រាងកាយ។ តារាស្រីដែល​ដណ្ដើម​បាន​ចំណាត់ថ្នាក់​លេខ ១ លើកនេះគឺបានលើ Jodie Comer ដែល​មាន​សមាមាត្រមុខ ៩៤.៥២ភាគរយ​វខណៈ​ចំណាត់ថ្នាក់លេខ១០ បានទៅលើ HoYeon Jung ​មានសមាមាត្រមុខ ៨៩.៦៣ភាគរយ ដែលនាងជានារីអាស៊ីដំបូងគេ​ ​ក្លាយ​ជា​នារី​ស្អាត​បំផុត​ទាំង​១០​ក្នុង​ពិភពលោក។

គួរបញ្ចាក់ដែរថា តួស្រីក្នុងរឿង “Squid Game” គឺជាតារាសម្ដែង និងជាតារាបង្ហាញម៉ូដរបស់កូរ៉េខាងត្បូង នាង​កើតនៅថ្ងៃទី២៣ ខែមិថុនា ឆ្នាំ ១៩៩៤ ហើយបានចាប់ផ្តើមអាជីពជាតារាបង្ហាញម៉ូដ​តាំងពីអាយុ ១៦ ឆ្នាំ ដោយ​ដើរម៉ូដនៅ Seoul Fashion Week ។ ក្រោយមកនាងបានចូលរួមប្រកួតប្រជែង​ក្នុងកម្មវិធី Korea’s Next Top Model រដូវកាលទី៤ ក្នុងឆ្នាំ ២០១៣ ហើយបានឈ្នះតំណែងជើងឯករង៕

ប្រែសម្រួល៖ សាង ស្រីល័ក្ខ

ចុចអាន៖តារាអាស៊ី ៥ រូប ប្រឹងជ្រៀតខ្លួន រហូតក្លាយទូតសុឆន្ទៈឲ្យម៉ាកយីហោបរទេស

ចុចអាន៖ហ្វេនបើកភ្នែកធំៗ ក្រោយលេចរូបភាព Gong Yoo ពេលអាយុ ២៩ ឆ្នាំ