ទម្លាយទំនាក់ទំនងជិតដិតមិនធ្លាប់ដឹងរវាង Thuy Tien និងអនុប្រធាន Miss Grand  

បវរកញ្ញា Nguyen Thuc Thuy Tien ត្រូវបានគេចាត់ទុកជារាជិនីដែលមានប្រជាប្រិយភាពបំផុតក្នុងកម្មវិធី Miss Grand International។ មិនត្រឹមតែទទួលបានការស្រឡាញ់ចូលចិត្តពីអ្នកគាំទ្រនោះទេ នាងក៏ត្រូវបានអនុប្រធាន Miss Grand International យកចិត្តទុកដាក់ខ្លាំង រហូតចាត់ទុកនាងដូចកូនស្រីទៀតផង។

តាំងពីក្លាយជាម្ចាស់មកុដ MGI បវរកញ្ញា Thuy Tien តែងមានឱកាស​ដំណើរ​ទៅក្រៅ​ប្រទេសញឹកញាប់ជាមួយ​អ្នកស្រី Teresa ដែល​ជា​អនុប្រធាន Miss Grand International។ យោងតាមប្រភពពី Bestie បានឱ្យដឹងថា បវរកញ្ញារូបនេះ តែងតែហៅ​អ្នកស្រី Teresa ថា ម៉ាក់ (Mommy)​ពេញៗមាត់  ព្រោះគ្រប់ពេលដែលធ្វើដំណើរជាមួយគ្នា នាងតែងតែទទួលបានការមើលថែ ទាំងការគេង ហូបចុក និងសូម្បីតែថតរូបឱ្យនាង។

ក្នុងនោះគេបានដឹងថា រូបថតស្ទើរតែទាំងអស់ដែល Thuy Tien បង្ហោះនៅលើបណ្ដាញសង្គម សុទ្ធសឹងជាស្នាដៃថតរូបរបស់អ្នកស្រី Teresa។ មិនតែប៉ុណ្ណោះ រាល់ពេលទំនេរពីការងារ អ្នកស្រី Teresa ឧស្សាហ៍នាំ Thuy Tien ទៅញ៉ាំម្ហូបថៃល្បីៗ និងបង្រៀនពីវប្បធម៌ថៃដល់នាងផងដែរ។

ចំពោះ Thuy Tien អ្នកស្រី Teresa មិនត្រឹមតែជាថៅកែប៉ុណ្ណោះទេ អ្នកស្រីថែមទាំងជាម្តាយមួយរូប ដែលតែងតែមើលថែកូនស្រី សូម្បីតែរឿងតូចតាច៕

ប្រែសម្រួល៖ សន្យា

ចុចអាន៖ ៦ ឈុតរបស់ Thuy Tien នៅឥណ្ឌូនេស៊ី ពិតជាសក្តិសមជាម្ចាស់មកុដ Miss Grand International

ចុចអាន៖ ម៉ូដខោសិចស៊ីបំផុតរបស់ Jennie និង Lisa ធ្លាប់ទាក់ទាញហ្វេនមិនធម្មតា