Jessi រិះគន់អ្នកគ្រប់គ្រងរបស់នាង អំឡុងការប្រគំតន្ត្រីនៅ អឺរ៉ុប

Jessi បានរិះគន់អ្នកគ្រប់គ្រងចំពោះរឿងទុកនាងចោល និងគ្មានទំនួលខុសត្រូវ ក្នុងអំឡុងពេលនាងចូលរួមសម្តែងក្នុងការប្រគំតន្ត្រី “Beyond Your Imagination” នៅអឺរ៉ុប។

Jessi បាននិយយានៅលើឆាកក្នុងទីក្រុងប៉ារីសថា ”បន្ទាប់ពីបានបញ្ចប់ការសម្តែងនៅទីក្រុងឡុងដ៍ ខ្ញុំត្រូវបានអ្នកគ្រប់គ្រងទុកចោលឲ្យជាប់គាំងនៅទីនោះ ហើយត្រូវស្វែងរកមធ្យោបាយធ្វើដំណើរផ្ទាល់ខ្លួនមកកាន់ទីក្រុងប៉ារីស” ។

ទន្ទឹមនោះ នាងបានបង្ហោះចែករំលែករឿងនេះនៅលើគណនី Instagram ផ្ទាល់ខ្លួនថា “ខ្ញុំបានជាប់គាំងនៅទីក្រុងឡុងដ៍ ប៉ុន្តែខ្ញុំបានព្យាយាមរកផ្លូវមកប៉ារីសដើម្បីជួបអ្នកគាំទ្ររបស់ខ្ញុំ ប៉ុន្តែសំណាងអាក្រក់ ខ្ញុំមិនអាចរកឃើញសណ្ឋាគារនៅទីក្រុងប៉ារីសឃើញឡើយ នៅដែលខ្ញុំមកដល់។

ទោះជាយ៉ាងណា នាងបានជួបសំណាងល្អវិញ ដោយសារតែមានជំនួយពីមិត្តភ័ក្រ្ត ទើបម្ចាស់បទ Zoom In Zoom Out បានរកឃើញសណ្ឋាគារមួយកន្លែងនៅម៉ោង ៦ ព្រឹក ហើយមានពេលសម្រាកតែប៉ុន្មានម៉ោងប៉ុណ្ណោះ មុនពេលចាប់ផ្តើមការសម្តែងមួយនេះ” ។

Jessi បានបង្ហើបថា អ្នកគ្រប់គ្រងរបស់នាងមានឈ្មោះ Tim Kim (ឈ្មោះពិត Kim Ung Ho ) ជាអ្នក ទទួលបន្ទុកទៅលើការនៅប្រគំតន្ត្រីនៅអឺរ៉ុប និងបានសង្កត់ធ្ងន់ៗថា អ្នកគ្រប់គ្រងមិនបានបំពេញកាតព្វកិច្ច ក៏ដូចជាគ្មានទំនួលខុសត្រូវចំពោះនាងឡើយ ។

ស្របពេលជាមួយគ្នានេះ អ្នកគាំទ្ររបស់ Jessi បានសម្តែងការព្រួយបារម្ភចំពោះរូបនាង ហើយបានរិះគន់អ្នកគ្រប់គ្រង Kim Tim ចំពោះអាកប្បកិរិយាមិនទទួលខុសត្រូវរបស់គាត់ ហើយពួកគេសង្ឃឹមថា រឿងបែបនេះនឹងមិនកើតឡើងម្តងទៀតឡើយចំពោះ Jessi ៕

ប្រែសម្រួលដោយ ៖ នាងតូច

ចុចអាន៖ធ្លាយដំណឹងថា Jessi កំពុងរៀបចំបង្កើតផលិតកម្មផ្ទាល់ខ្លួន

ចុចអាន៖