ជីវិតកម្សាន្ដ

នាយ ពែកមី នាំអំណោយសប្បុរសជនទៅចែកជូនគ្រួសារក្មេងៗរងគ្រោះក្នុងឧបទ្ទវហេតុលិចទូកដចម្លង

បានផុស

២ years មុន

នៅ

ថ្ងៃចន្ទ ១៧ តុលា ២០២២

ដោយ

តារាកំប្លែងល្បីឈ្មោះនាយ ពែកមី កាលពីរសៀលថ្ងៃទី ១៦ ខែតុលា ឆ្នាំ ២០២២ បាននាំយកថវិកាទៅចែកជូនដល់គ្រួសារក្មេងៗរងគ្រោះក្នុងឧបទ្ទវហេតុលិចទូកដចម្លងបណ្ដាលឲ្យស្លាប់ និងខ្លះទៀតត្រូវបានសង្គ្រោះបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់របស់នាយ ពែកមី បានប្រាប់កម្ពុជាថ្មីថា ទឹកប្រាក់ដែលសប្បុរសជនចូលរំលែកទុក្ខតាមរយៈលោក គឺទទួលបានសរុប ៧១៥២ .៩២ ដុល្លារ (គិតជាលុយខ្មែរ ២៩.៣២៦ ៩៧២ រៀល)។

នាយ ពែកមី បន្តថា ចំពោះគ្រួសារប្អូនៗដែលទទួលមរណភាព ក្នុងម្នាក់ៗទទួលបានថវិកាចំនួន ២ ៣០០ ០០០ រៀល។

ដោយឡែកសម្រាប់ក្រុមគ្រួសាររបស់ប្អូនៗដែលរួចផុតជីវិត ម្នាក់ៗ ទទួលបានថវិកាចំនួន ១ លានរៀល។ ថវិកាទាំងនេះ បានមកពីសប្បុរសជន និងថវិការបស់លោកផងដែរ។

នាយ ពែកមី បន្ថែមថា ក្មេងៗដែលរងគ្រោះទាំងអស់នោះ ស្ថិតនៅកោះចំរើន ដែលជាស្រុកកំណើតម្តាយក្មេងតែម្ដង។

គួររម្លឹកថា កាលពីយប់ថ្ងៃទី ១៣ ខែតុលា ឆ្នាំ ២០២២ មានឧបទ្ទវហេតុលិចទូកដចម្លងសិស្សសាលា១៥ នាក់ នៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល បណ្ដាលឲ្យសិស្សានុសិស្ស ១១ នាក់ បាត់បង់ជីវិត និងរួចជីវិតចំនួន ៤ នាក់៕

អត្ថបទ ៖ ចាន់រ៉ា