អបអរ ! រឿន ណាត ឈ្នះពានរង្វាន់កិត្តិយសពីកម្មវិធី Asia Model Festival ប្រទេសកូរ៉េខាងត្បូង

បវរកញ្ញាឯកចក្រវាលកម្ពុជាឆ្នាំ២០១៨ កញ្ញា រឿន ណាត បច្ចុប្បន្នត្រូវបានអ្នកគាំទ្រសង្កេត ឃើញទាំងជីវិតរស់នៅបែបឯកជនខាងក្រៅ និងក្នុងវិថីសិល្ប:នាងហាក់មានភាពជោគជ័យព្រមគ្នាតែម្តង។ កត្តានេះហើយទើបជម្រុញឲ្យអ្នកគាំទ្រតែងលួចសរសើរបរវរកញ្ញារូបនេះ។

ស្រពេលជាមួយគ្នានេះដែរ ស្រីស្អាត រឿន ណាត ក៏បញ្ចេញប្រាប់ពីអារម្មណ៍ផ្ទាល់ខ្លួនដែលធ្វើឲ្យជីវិតរបស់នាងកំពុងរកឃើញក្តីសុខពិតប្រាកដ ។ ជាក់ស្តែងថ្មីៗនេះបវរកញ្ញា រឿន ណាត ក៏ទើបទទួលបានពានកិត្តិយសពីកម្មវិធី Asia Model Festival ផងដែរ។

បើតាមការបញ្ជាក់ពីកញ្ញា រឿន ណាត បានរៀបរាប់ថា ក្នុងរាត្រីនេះនាងខ្ញុំពិតជាមានអារម្មណ៍រំភើប និងមានមោនភាពខ្លាំងមែនទែនដែលបានទទួលបានពានរង្វាន់កិត្តិយសដ៏ពិសេសពីកម្មវិធី Asia Model Festival ។ នាងខ្ញុំសូមអរគុណយ៉ាងពិសេសដល់អ្នកគាំទ្រ មិត្តភក្តិ នឹងក្រុមគ្រួសារចំពោះការស្រលាញ់ និងគាំទ្រមួយនេះ។

តាមរយ:ដំណឹងនេះដែរក៏មានការចូលរួមអបអរដែរថា អបអរសាទរ កញ្ញា រឿន ណាត តំណាងអោយកម្ពុជាទទួលបានពានរង្វាន់ star model award ក្នុងកម្មវិធី Asia model festival 2022 ធ្វេីឡេីងក្នុងទីក្រុងអឺយចុងប៊ូ កូរ៉េខាងត្បូង ថ្ងៃទី១៦ តុលា ២០២២ ។ ក្នុងនោះដែរ រឿន ណាត ក៏បានថ្លែងការអរគុណដល់អ្នកគាំទ្រផងដែរ៕

អត្ថបទ៖ ចាន់រ៉ា