អ្នកគាំទ្រ BTS ខឹងសម្បាយ៉ាងខ្លាំង ក្រោយឃើញមួករបស់ Jungkook ក្នុងវេបសាយលក់របស់ជជុះ

នៅពេលថ្មីៗនេះគេហទំព័រលក់របស់ជជុះនៅប្រទេសកូរ៉េខាងត្បូង​ ទទួលបានទាំងការចាប់អារម្មណ៍ និង
រិះគន់ខ្លាំង ពីសំណាក់អ្នកគាំទ្រ BTS បន្ទាប់ពីមន្ត្រីរាជការម្នាក់បានដាក់លក់មួករបស់ Jungkook ក្នុង
តម្លៃ ១០ លានវ៉ុន (ជាង ៧ ពាន់ដុល្លារអាមេរិក) ។

ពាក់ព័ន្ធនឹងរឿងរ៉ាវនេះដែរ មន្ត្រីរាជការខាងលើបានអះអាងថា នេះពិតជាមួករបស់ Jungkook នៃសមាជិកក្រុម BTS មែន ។ Jungkook បានភ្លេចមួកនេះនៅការិយាល័យអន្តោប្រវេសន៍ បន្ទាប់ពីរូបគេមកធ្វើលិខិតឆ្លងដែន ។

ស្របពេលជាមួយគ្នានេះ អ្នកគាំទ្រ Jungkook ភាគច្រើនបានសម្ដែងការខឹងសម្បាចំពោះមន្ត្រីរាជការដែលបានលក់មួកមួយនេះក្នុងតម្លៃខ្ពស់ពេក និងបញ្ចេញមតិជាច្រើនថា “វាជាទង្វើបោកប្រាស់” ខណៈអ្នកខ្លះទៀតនិយាយថា “តើនេះជាទង្វើរខុសច្បាប់ដែរឬទេ នៅពេលដែលអ្នករើសបានរបស់អ្នកដទៃហើយមិនយកឲ្យម្ចាស់គេ តែបែរជាដាក់លក់ទៅវិញនោះ” ។

យ៉ាងណាមិញ បន្ទាប់មានការរិះគន់បែបនេះហើយ មន្ត្រីរាជការខាងក្រសួងការបរទេសកម្នាក់នេះបានចេញមកបកស្រាយទៅវិញថា ដោយសារតែមិនមាននរណាម្នាក់មកទាមទារមួកនេះទៅវិញក្នុងរយៈពេល ៦ ខែមកហើយ ទើបឥឡូវនេះមានការដាក់លក់មួករបស់ Jung kook នៅលើគេហទំព័រលក់របស់ជជុះ ៕

ប្រែសម្រួលដោយ ៖ នាងតូច

ចុចអាន៖អតីតតួឯកស្រីរឿង “ស្ដេច​កំប្លែង​ទិនហ្វី” បំបែកកំណត់ត្រា រកចំណូលរាប់លានពីការ live លក់ទំនិញ