Bella Ranee សង្វាតធ្វើបុណ្យទាន ក្រោយនៅខ្លួនមួយ

តាំងពីប្រកាសខ្លួននៅ Single តារាសម្ដែង Bella Ranee សង្វាតធ្វើបុណ្យទាន ច្រើនៗឡើង ហាក់លែងខ្វល់ខ្វាយរឿងស្នេហា ខណៈប៉ុន្មានថ្ងៃមុននេះនាងទើបតែដង្ហែកឋិនទាន រៃបច្ច័យដើម្បីជួយសាងសង់វត្តមួយកន្លែង គួរឱ្យសរសើរ។

កាលពីថ្ងៃទី១៦ ខែតុលា ឆ្នាំ២០២២ កន្លងទៅថ្មីៗ Bella Ranee និងគ្រួសារ បានដង្ហែបុណ្យកឋិនទានសាមគ្គីទៅវត្តមួយក្នុងទីក្រុង បាងកក ដើម្បីរៃអង្គាសថវិកាសាងសង់សាលធម្មសភា។ ក្នុងនោះ Bella បាន​ប្រកាសពីបច្ច័យប្រមូលដែលមានចំនួនសរុបប្រមាណ ១.៧​លាន​បាត។ ទន្ទឹមគ្នាដែរ Bella Ranee បានបង្ហោះរូបខ្លួនឯងជាច្រើនសន្លឹក ដោយស្លៀកពាក់ឈុតប្រពៃណីយ៉ាងសមសួន ទាក់ភ្នែក។

គួរបញ្ជាក់ថា ​នេះមិនមែនជាលើកទីមួយទេ ដែល Bella Ranee បង្ហោះរូបធ្វើបុណ្យទាន ព្រោះកាលកន្លងទៅនាងធ្លាប់បង្ហាញសកម្មភាពធ្វើបុណ្យជាហូរហែ សូម្បីថ្ងៃឱបោសថសីល នាងក៏តែងតែមានវត្តមាននៅទីវត្តអារ៉ាម ​មិនសូវអាក់ខានដែរ៕

ប្រែសម្រួល៖ សន្យា

ចុចអាន៖ Ice Apisada បង្អួតរូបថតពពោះជិត ៧ខែ តែទស្សនិកជននាំគ្នាចាប់អារម្មណ៍លើរឿងផ្សេង