ជីវិតកម្សាន្ដ

បាត់មុខពីភាពយន្ត តាមពិត Song Hye Kyo សំងំជាមួយប្រេនធំលំដាប់ពិភពលោក

បានផុស

២ years មុន

នៅ

ថ្ងៃព្រហស្បតិ៍ ២០ តុលា ២០២២

ដោយ

Song Hye Kyo កំពុងសំងំធ្វើជាទូតសុឆន្ទៈឲ្យប្រេនធំមួយនៃលំដាប់ពិភពលោក បន្ទាប់ពីបាត់មុខពីភាពយន្ត និងកម្មវិធីមួយរយៈធំ ខណៈហ្វេនលាន់មាត់សរសើរសម្រស់នាងស្អាតខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតតួឯកស្រីក្នុងរឿង “បំណុលផ្ទះជំពាក់ស្នេហ៍” រូបនេះបានបង្ហោះរូបលើបណ្ដាញសង្គមផ្ទាល់ខ្លួន ដោយលេចវត្តមានឲ្យម៉ាកយីហោល្បី Fendi។ ក្រៅពីយីហោដែលនាងកំពុងត្រូវប៉ាន់នេះ មានម៉ូដឆើតឆាយអស់ស្ចារ្យទាក់ភ្នែកទស្សនិកជន ក្នុងនោះអ្នកគាំទ្រទូទាំងសកលលោក បានបញ្ចេញមតិស្របគ្នាថា Song Hye Kyo នៅតែមានសម្រស់ក្មេងជាងវ័យ មានស្បែកតឹងរលោង បើទោះបីឆ្នាំនេះនាងឈានចូលដល់ ៤០ ឆ្នាំក៏ដោយ។

លើសពីនេះ មហាជនជាច្រើននៅតែនិយាយដដែលៗថា Song Hye Kyo ពិបាកមានអ្នកណាវ៉ាដាច់ណាស់រឿងសម្រស់របស់នាង ខណៈបច្ចុប្បន្ននេះ តារាសម្ដែងរូបនេះ កំពុងតែជោគជ័យក្នុងការធ្វើជាទូតសុឆន្ទៈឲ្យម៉ាក់យីហោធំៗ។

សូមរម្លឹកដែរថា Song Hye Kyo ទទួលបានជោគជ័យ ក្នុងរឿង “Autumn in My Heart” ដោយដើរតួជា Yunក្នុងតួនាទីនេះ នាងត្រូវបានតែងតាំងសម្រាប់ពានរង្វាន់សិល្បៈ Baeksang តារាសម្ដែងថ្មីល្អបំផុត។ យ៉ាងណាមិញទស្សនិកជនកម្ពុជាស្គាល់ឈ្មោះនាងច្បាស់ជាងគេ ក្នុងរឿង “បំណុលផ្ទះជំពាក់ស្នេហ៍” ឬ full house ដែលនាងដើរតួជាមួយតារាសម្ដែង Rain ៕