ព្យាយាមលាក់បាំងជិតមួយឆ្នាំ ពេលនេះ Billie Eilish ព្រមបង្ហាញមុខមិត្តប្រុសជាសាធារណៈ

តារាចម្រៀងវ័យក្មេង Billie Eilish បានប្រកាសទំនាក់ទំនងស្នេហាជាសាធារណៈជាមួយតារាចម្រៀងរ៉ុក Jesse Rutherford ក្រោយពីពួកគេព្យាយាមលាក់បាំងមហាជនជិតមួយឆ្នាំ។

បន្ទាប់លេចឮពាក្យចចាមអារ៉ាមស្នេហារវាងពួកគេជាហូរហែ នៅថ្ងៃនេះ Billie Eilish បានចេញមុខមកលាតត្រដាងការពិតទាំងអស់ បំបាត់មន្ទិលទស្សនិកជន។ តាមពិតនាងទាក់ទងគ្នាអស់មួយរយៈមកហើយ ប៉ុន្តែនាងមិនចង់ប្រកាសជាសាធារណៈ ព្រោះមិនចង់ឱ្យហ្វេនៗត្រូវមកសោកស្ដាយឬខូចចិត្តជាមួយនាង នៅពេលនាងបែកគ្នា។  

គួបញ្ជាក់ថា តារាស្រីវ័យ ២០ឆ្នាំរូបនេះ ត្រូវគេចាប់ពេលកំពុងឱប ថើប និងកាន់ដៃគ្នាជាមួយនឹងតារាចម្រៀង Jesse បន្ទាប់ពីពួកគេចេញពីទទួលទានអាហារពេលល្ងាច នៅភោជនីយដ្ឋានមួយ កាលពីយប់ថ្ងៃអង្គារ ទី១៨ ខែតុលា ឆ្នាំ២០២២។ យ៉ាងណាមិញ នេះមិនមែនជាលើកទី១ទេ ដែលពួកគេញ៉ាំអាហារពេលល្ងាចជាមួយគ្នា ប៉ុន្តែកន្លងមក អ្នកទាំងតែងតែគេចវេស មិនព្រមបកស្រាយអ្វីទាំងអស់អំពីទំនាក់ទំនងពួកគេ រហូតមកទល់ពេលនេះ ទើប Billie Eilish ព្រមមកនិយាយការពិត៕

ប្រែសម្រួល៖ សន្យា

ចុចអាន៖ ភរិយា Beckham លុបស្នាមសាក់តំណាងស្វាមី ចំពេលពាក្យចចាមអារ៉ាមប្ដីប្រពន្ធប្រេះឆា