Tono ស្រាប់តែយំគគ្រូក ខណៈពីរថ្ងៃទៀត ដល់ពេលហែលឆ្លងទន្លេមេគង្គ​

ខ្វះតែពីរថ្ងៃទៀតប៉ុណ្ណោះ ពេលវេលាដែលតារាសម្ដែង Tono Phakin នឹងត្រូវហែលឆ្លងទន្លេមេគង្គ ដើម្បីរៃអង្គាសថវិកាជួយមន្ទីរពេទ្យថៃ-ឡាវ ស្រាប់តែសាធារណជននាំគ្នាមកអបអរលើកទឹកចិត្ត រហូតធ្វើឱ្យតារាប្រុសរូបនេះ ទប់ទឹកភ្នែកមិនបាន និងយំគគ្រូកកណ្ដាលចំណោមតែម្ដង។

បន្ទាប់ប្រកាសសកម្មភាពសប្បុរសធម៌ ដោយត្រូវហែលឆ្លងទន្លេមេគង្គចម្ងាយ ១៥គីឡូម៉ែត្រ ដើម្បីប្រមូលប្រាក់ជួយទិញបរិក្ខារពេទ្យ Tono Phakin ត្រូវមនុស្សចំនួនរិះគន់ធ្ងន់ៗ សឹងធ្វើឱ្យលោកបាក់ទឹកចិត្ត ប៉ុន្តែលោកនៅតែបន្តហ្វឹកហាត់ និងប្ដេជ្ញាបញ្ចប់បេសកកម្មទាល់តែបាន។

ដោយឡែកនៅថ្ងៃនេះ Tono បានទៅដល់ខេត្ត Nakhon Phanom និងបានចូលញ៉ាំអាហារនៅភោជនីយដ្ឋានមួយ មុនទៅបំពេញបេសកកម្មនៅថ្ងៃទី២២ ខែតុលា ឆ្នាំ២០២២ ខាងមុខ។ ទៅដល់ទីនោះភ្លាម លោកក៏ត្រូវបានមហាជនស្វាគមន៍យ៉ាងកក់ក្ដៅ រួមទាំងទទួលបានការលើកទឹកចិត្តពីអ្នកដែលរស់នៅក្នុងតំបន់នោះ យ៉ាងច្រើនលើសលប់។ ​អ្នកខ្លះសួរសុខទុក្ខ អ្នកខ្លះសុំថតរូប និងមានអ្នកខ្លះផ្ដែផ្ដាំលោកឱ្យថែខ្លួន ដែលសកម្មភាពទាំងនេះ ធ្វើឱ្យ Tono យំគគ្រូក ដោយសេចក្ដីអំណរ។

បន្ថែមពីលើអ្នកជួបផ្ទាល់ Tono ក៏ត្រូវទស្សនិកជននៅលើបណ្ដាញសង្គមជួយផ្ដល់ការគាំទ្រ និងផ្ញើសារលើកទឹកជាច្រើនផងដែរ៕

ប្រែសម្រួល៖ សន្យា

ចុចអាន៖ មិនខ្វល់អ្នករិះគន់ Tono បន្តហ្វឹកហាត់ ត្រៀមហែលឆ្លងទន្លេមេគង្គ រៃអង្គាសថវិកាជួយមន្ទីរពេទ្យ

ចុចអាន៖ មុនគ្រងមកុដ​ បវរកញ្ញាចក្រវាលថៃ Anna ធ្លាប់ឆ្លងកាត់សង្វៀនសម្រស់តាំងពីមិនទាន់ពេញវ័យ