ព័ត៌មានជាតិ

ផ្ទុះការសរសើរពេលយុវជនមួយក្រុម នាំគ្នាគ្រងសម្លៀកបំពាក់ បែបសម័យអាណានិគមបារាំង

បានផុស

៥ years មុន

នៅ

ថ្ងៃអង្គារ ២៧ តុលា ២០២០

ដោយ

យុវជនមួយក្រុម បានស្លៀកពាក់បែបសម័យអាណានិគមបារាំង ក្នុងរូបភាពជាច្រើនសន្លឹក ដែលធ្វើឲ្យមានការភ្ញាក់ផ្អើលខ្លាំង ក្នុងបណ្ដាញសង្គមហ្វេសប៊ុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈហ្វេសប៊ុកឈ្មោះ Ra Yuth បានបង្ហោះរូបភាពអមជាមួយខ្លឹមសារថា ” (កុងស៊ុលបារាំង)ប្រទេសកម្ពុជា បានធ្លាប់ធ្លាក់ក្រោមអាណានិគមបារាំងអស់រយៈពេលជិតមួយសតវត្ស ( ៩០ ឆ្នាំ ) គឺចាប់ពីឆ្នាំ ១៨៦៣ រហូតដល់ ១៩៥៣ . អស់រយៈការជាច្រើនឆ្នាំនោះប្រទេសបារាំងបានបញ្ជូនកុងស៊ុលជាច្រើនមកកាន់ទឹកដីកម្ពុជា។ នាឆ្នាំចុងក្រោយកំឡុងឆ្នាំ ១៩៥២ មានកុងស៊ុលបារាំងវ័យក្មេង២នាក់ បានលួចចាប់ចិត្តលើកូនស្រីរបស់សេដ្ឋីអ្នកមានអំណាចនិងទ្រព្យជាច្រើន លោកសេដ្ឋី មានកូន៣នាក់ ប្រកបដោយចរិយា និងសម្រស់សោភា កូនទីមួយឈ្មោះ សូនីន , កូនទី២ ឈ្មោះ លីហួរ និងកូនទីឈ្មោះ គនថង, សេដ្ឋីមានទាំងកូនស្រីទាំងសោភា និង មានទាំងទ្រព្យស្ដុកស្ដម្ភ តែជាអកុសលត្រូវភរិយាស្លាប់ចោល។ ក្រោយពីបារាំងព្រមប្រគល់ឯករាជ្យឲ្យមកកម្ពុជាវិញ ក្នុងឆ្នាំ ១៩៥៣ កុងស៊ុលបារាំងវ័យក្មេងទាំងពីរនោះ បានមកលេងផ្ទះលោកសេដ្ឋី នៅថ្ងៃនោះដែរ លោកសេដ្ឋីបានបង្កាប់ឲ្យកូនស្រីលោកទាំងបីតុបតែងខ្លួន និងធ្វើអាហារ ដើម្បីទទួលទានជុំគ្នានាពេលល្ងាច មិនត្រឹមតែប៉ុននោះលោកសេដ្ឋីក៏បានហៅជាងថតរូបដ៏ចំណានដើម្បីថតរូបជុំគ្នា ពេលវេលាក៏ត្រូវបានបញ្ចប់ហើយ មើលទៅកុងស៊ុលទាំងពីរនោះហាក់ដូចជាសប្បាយ ជាប់ចិត្តជាប់កាយនិងដែនដីកម្ពុជាណាស់។

តាមរយៈការខមិនរបស់អាខោនរបស់តារាសម្ដែងឈ្មោះ Chandaneth Bon បានសរសេរថា “កប់ម៉េស” ចំណែកឯអាខោនឈ្មោះ Sivhong Ly បានសរសេរដែរថា ” Wow ស្អាតៗណាស់ មើលរូបដំបូងស្មានតែ Poster រឿង”។ ទន្ទឹមនឹងនេះ កញ្ញា កែវ សេងលីហួរ និង កញ្ញា អែម គុនថន ដែលជាបវរកញ្ញាភពផែនដី បានចូលរួមក្នុងការថតរូបបែបសម័យអាណានិគមបារាំងនោះផងដែរ។ លើសពីនេះទៅទៀត មានអ្នកលេងបណ្ដាញសង្គមហ្វេសប៊ុកជាច្រើន បានកោតសរសើរនឹងការថតរូប ការស្លៀកពាក់ រួមជាមួយបច្ចេកទេសថត របស់យុវជនមួយក្រុមនេះ ថាពិតជាស្រស់ស្អាតខ្លាំង៕