អ្នកម្ដាយអតីត​​កំពូល​តារាចម្រៀងផលិតកម្ម SSB ទទួលមរណភាព

ភ្នំពេញ៖​ តារាចម្រៀងលោកម៉េង ប៊ុនឡូ និងក្រុមគ្រួសារនៅថ្ងៃទី២២ខែតុលាឆ្នាំ២០២២ មានទុក្ខដ៏ក្រៀមក្រំនិងសោកសៅ​បំផុត បន្ទាប់ពីមានដំណឹងថាអ្នកម្តាយជាទីស្រលាញ់របស់លោកបានទទួលមរណភាពទាំងអាល័យបំផុត។

ចំពោះដំណឹងមរណ:ទុក្ខដ៏ក្រៀមក្រំនេះ ក៏បានធ្វើឲ្យអ្នកគាំទ្រនិងមិត្តភក្តិរួមអាជីពសិល្ប:សម្តែងការសោកស្តាយព្រមទាំងផ្ញើសារចូលរួមរំលែកទុក្ខជាមួយតារាចម្រៀងប្រុសលោក ម៉េង ប៊ុនឡូផងដែរ។ ជាក់ស្តែងនៅលើទំព័រហ្វេសប៊ុករបស់លោក ម៉េង ប៊ុនឡូ បានរៀបរាប់ថា «សូមអ្នកម្តាយជាទីស្រឡា ញ់របស់កូនទៅឱ្យបានស្ងប់សុខណាម៉ែជាតិក្រោយជួបគ្នាទៀតណាម៉ែ»។

ទោះបីជាយ៉ាងណា គេមិនទាន់ដឹងទេថាម្តាយជាទីស្រលាញ់របស់លោក ម៉េង ប៊ុនឡូ ទទួលមរណភាពដោយសារជំងឺអ្វីឡើយខណ:មានទស្សនិកជនមួយចំនួនក៏បានសួរនាំចង់ដឹងផងដែរ។ ក្នុងនោះគេសង្កេតឃើញមិត្តភក្តិរួមសិល្ប:មួយចំនួនបានផ្ញើសារចូលរួមរំលែកទុក្ខដ៏ក្រៀមក្រំនេះផងដែរ។

លោក ម៉េង ប៊ុនឡូ គឺជាអតីត​តារាចម្រៀងដ៏ល្បី​មួយរូបក្នុងផលិតកម្ម SSB។ តារាចម្រៀងដ៏ស្រស់សង្ហានេះ អាច​បកស្រាយ​បទចម្រៀងគ្រប់ចង្វាក់ មិនថាតែមនោសញ្ចេតនា ញាក់កន្ត្រាក់អារម្មណ៍ ឬ ប្រពៃណី ក៏មានបទចម្រៀងបែប R&B ផងដែរ៕

អត្ថបទ៖ ចាន់រ៉ា