ជីវិតកម្សាន្ដ

Patricia ដឹកដៃមិត្តប្រុសមហាសេដ្ឋី ជប់លៀងលាភាពនៅលីវ មុនមង្គលការចាប់ផ្ដើមចុងឆ្នាំនេះ

បានផុស

២ years មុន

នៅ

ថ្ងៃអាទិត្យ ២៣ តុលា ២០២២

ដោយ

Patricia Good បានកាន់ដៃមិត្តប្រុសមហាសេដ្ឋី រៀបចំពិធីជប់លៀងលាភាពនៅលីវ ដោយអញ្ជើញមិត្តភ័ក្ដិទាំងក្នុងនិងក្រៅឧស្សាហកម្មមកចូលរួមក្នុងពិធីនេះ និងមានការសន្ទនាគ្នាយ៉ាងស្និទ្ធស្នាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីលាភាពនៅលីវនេះ ត្បិតថាមើលទៅសាមញ្ញនិងមានមនុស្សជិតស្និទ្ធតែប៉ុន្មាននាក់ចូលរួម ប៉ុន្តែយ៉ាងណាក្ដីមើលទៅពិតជាប្រណិតមិនធម្មតាឡើយ។ ជាក់ស្ដែងខាងកូនកំលោះ ទោះមិនមែនជាមនុស្សពូកែនិយាយក៏ដោយ ប៉ុន្តែលោកបែរហ៊ានចាប់ក្បាលមេក្រូពីមិត្តស្រីមកនិយាយអរគុណភ្ញៀវទាំងទឹកមុខញញឹម និងរំភើបជាខ្លាំងថែមទៀតផង។

បន្ថែមពីនេះ មហាសេដ្ឋីវ័យក្មេង Note Wiset Rangsi Singpipat ក៏បានប្រកាសក្ដែងៗថា ពិធីរៀបអាពាហ៍ពិពាហ៍របស់លោកនិងគូស្នេហ៍ នឹងប្រព្រឹត្តិទៅនៅព្រហស្បតិ៍ ទី២២ ខែធ្នូ ឆ្នាំនេះហើយ។

សូមរម្លឹកថា គូស្នេហ៍នេះធ្លាប់ធ្វើឲ្យពិភពអ៊ីនធឺណិតមានការភ្ញាក់ផ្អើលជាខ្លាំង ក្រោយលោក Note Wiset Rangsi បានលុតជង្គង់សុំមិត្តស្រី Patricia Good រៀបការ កាលពីថ្ងៃទី០២ ខែ០៦ ឆ្នាំ២០២២ ក្រោយអ្នកទាំងពីរស្រលាញ់គ្នាជាង៣ឆ្នាំ៕