Taylor Swift បំបែកកំណត់ត្រាពិភពលោកជាថ្មី ម្ដងទៀត ជាមួយអាល់ប៊ុម Midnights

អាល់ប៊ុមចម្រៀង “Midnights” របស់ Taylor Swift បានចេញផ្សាយនៅថ្ងៃទី ២១ ខែតុលា ខណៈវាបំបែកកំណត់ត្រា និងវាយលុកយ៉ាងរហ័សលើវេទិកាតន្ត្រីឌីជីថលដ៏ធំបំផុតនៅលើពិភពលោក ។

ខណៈពេលដែលអាល់ប៊ុម “Midnights” ត្រូវបានចេញផ្សាយនៅលើ Spotify ដែលជាមាតិកាធំបំផុតរបស់ពិភពលោកមិនបានពីរបីនាទី មានអ្នកចូលស្តាប់យ៉ាងច្រើនលើសលុប ដែលធ្វើឲ្យអាល់ប៊ុមនេះ ទទួលបានអ្នកស្ទ្រីមចំនួន ១៨៥ លានដងក្នុងរយៈពេល ២៤ ម៉ោងដំបូងនៃការចេញផ្សាយនៅលើ Spotify ។

ជាមួយនឹងសមិទ្ធផលនេះ Taylor Swift បានវ៉ាដាច់អាល់ប៊ុម “Certified Lover Boy” របស់តារារ៉េប Drake ដែលមានអ្នកស្ទ្រីមចំនួន១៥៣ លានដងនៅតារាងអាល់ប៊ុមកំពូលទាំង ១០ ហើយក៏ជាលើកទីមួយ ហើយដែលតារាចម្រៀងស្រីទទួលបានកំណត់ត្រានេះ។

ទន្ទឹមគ្នានេះអាល់ប៊ុម “Midnights” ក៏បានបំបែកឯតទគ្គកម្មសម្រាប់ចំនួនស្ទ្រីមច្រើនបំផុតនៅថ្ងៃចេញផ្សាញដំបូងត្រឹមរយៈពេលខ្លីនៅក្នុងសហរដ្ឋអាមេរិក ដែលមានចំនួន ៨៨ លានដង។ មិនត្រឹមតែប៉ុណ្ណឹង អាល់ប៊ុមរបស់ Taylor Swift បានក្លាយជាអាល់ប៊ុមរបស់សិល្បករស្រីដែលមានចំនួនស្ទ្រីមប្រចាំសប្តាហ៍ច្រើនជាងគេនៅលើពិភពលោកក្នុងឆ្នាំ ២០២២។ លើសពីនេះ ចំនួនអាល់ប៊ុម “Renaissance” របស់ Beyoncé ( ដែលមានអ្នកស្ទ្រីមចំនួន ១៧២ លានដង ក្នុងរយៈមួយសប្តាហ៍ ) និងអាល់ប៊ុម “Born Pink” របស់ Blackpink ( ដែលមានអ្នកស្ទ្រីមចំនួន១៧០.៨លានដងក្នុងរយៈមួយសប្តាហ៍ ) ។

ក្រៅពីនេះ បទចម្រៀងចំនួន ៥ បទនៅក្នុងអាល់ប៊ុម “Midnights” រួមមាន “Anti-hero”, “Lavender Haze”, “Snow On the Beach”, “Maroon” និង “You’re On Your Own” បានជាប់ Top 5 ក្នុងតារាង ដែលពេញនិយមបំផុតនៅលើ Spotify។

យ៉ាងណាមិញមិនត្រឹមតែ Spotify ប៉ុណ្ណោះទេ Taylor Swift ក៏បានវាយលុកនៅលើវេទិកាស្ទ្រីមសំខាន់ៗ ជាច្រើនទៀតដូចជា Apple Music, iTunes, Amazon Music ជាដើម៕

ប្រែសម្រួល៖នាងតូច

ចុចអាន៖Brooke Shields  ធ្លាប់ថតឲ្យទស្សនាវដ្ដី Playboy រហូតក្លាយជាតារាល្បីល្បាញ