ជីវិតកម្សាន្ដ

Ice បង្ហោះរូបក្រោយកែកុនមុខមាត់ថ្មីលើកនេះ អ្នកគាំទ្រមើលលែងស្គាល់

បានផុស

២ years មុន

នៅ

ថ្ងៃអង្គារ ២៥ តុលា ២០២២

ដោយ

អតីតតួឯកស្រី “I fine thank you love you” កាលពីថ្មីៗនេះ នាងបានបង្ហាញខ្លួនក្នុងរូបរាងចុងក្រោយលើបណ្ដាញសង្គម ប៉ុន្តែអ្វីដែលហ្វេនៗចាប់អារម្មណ៍ខ្លាំងនោះគឺ ទម្រង់មុខរបស់នាងតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ice Preechaya ក្រោយក្លាយជាតួឯកស្រីរឿង “Prophecy of Love” ដែលជារឿងចុងក្រោយជាមួយ James Jirayu នាងស្រាប់តែបាត់មុខមួយរយៈធំ មិនសូវជាបង្ហោះរូបញឹកញាប់ដូចកាលពីមុនឡើយ។ ប៉ុន្តែថ្មីៗនេះ Ice បានវិលត្រឡប់មកវិញនៅក្នុងរូបរាងថ្មី កាន់តែស្រស់ស្អាតខ្លាំង រហូតអ្នកគាំទ្ររបស់នាងមានការភ្ញាក់ផ្អើល មិននឹកស្មានថា នេះជាតារាសំណព្វចិត្តរបស់ពួកគេនោះទេ។

ត្បិតថាបង្ហាញសម្រស់លើបណ្ដាញសង្គមអ៊ិនស្តាក្រាមលើកនេះ ប្លែកខ្លាំងក៏ពិតមែន តែយ៉ាងណាអ្នកគាំទ្រជាច្រើនរួមទាំងមិត្តៗក្នុងវិស័យសិល្បៈថៃ បានចូលមកចូលមកបញ្ចេញមតិសរសើរលាន់មាត់ពីភាពស្រស់ស្អាតមិនធម្មតា ក្នុងស្ទីលថ្មីមួយនេះ ខណៈរូបរាងចុងក្រោយ ទាំងការតុបតែងមុខប្លែកសាហាវ សឹងមិនដឹងថាជាតារាសម្ដែង Ice ឬយ៉ាងណា។

ទោះយ៉ាងណា Ice Preechaya ក៏សារភាពទទួលស្គាល់ថា សម្រស់របស់នាងបានផ្លាស់ប្ដូរទាំងស្រុង នាងពិតជាបានកែកុនមុខមាត់ខុសពីមនុស្សផ្សេងគ្នា ដូចដែលមហាជនលើកឡើង។ ម៉្យាងទៀត សម្រស់នាងបច្ចុប្បន្ននេះ មាននាមថាកែក្ដី តែក៏ស្អាតប្លែកស្អាតខ្លាំង ក្រោយបង្ហាញខ្លួនលើបណ្ដាញសង្គម ហើយជាពិសេសកេរ្តិ៍ឈ្មោះនាងក៏កាន់តែល្បីថែមមួយកម្រិតទៀត៕