ជីវិតកម្សាន្ដ

ទាំងអតីតមិត្តប្រុស និងអនាគតស្វាមី Patricia Good សុទ្ធតែជាសេដ្ឋីប្រាក់លាន ប្រចាំប្រទេស

បានផុស

២ years មុន

នៅ

ថ្ងៃពុធ ២៦ តុលា ២០២២

ដោយ

បន្ទាប់ពីទើបតែប្រារព្ធពិធីលាភាពនៅលីវ បែបលក្ខណឯកជន មានអ្នកលេងអ៊ីនធឺណិតជាច្រើននាំគ្នាវិភាគលើបណ្ដាញសង្គម ពីអតីតសង្សារ និងអនាគតស្វាមី Patricia គឺសុទ្ធតែមកពីគ្រួសារមិនធម្មតាដូចគ្នា។

ជាមួយគ្នានេះដែរ មហាជនជាច្រើនដឹងឮថា Peach Pachara និង Note Wiset សុទ្ធតែមកពីគ្រួសារមហាសេដ្ឋី ហើយក៏ជាបុរសដែលមានទំនាក់ទំនងជាមួយតារាសម្ដែង Patricia Good ដូចគ្នាៗ។ ឥលូវនេះយើងខ្ញុំនឹងបង្ហាញពីជីវប្រវត្តិ របស់មិត្តប្រុសដែលយកបានបេះដូង Patricia Good មុនគេ៖

ផ្ដើមពីតារាចម្រៀងតាំងពីនៅវ័យ២៦ឆ្នាំ Peach Phachara Chirathivat ជាបុរសមានមុខមាត់សង្ហា និងស្ថិតក្នុងដួងចិត្តរបស់ស្រីៗជាច្រើនទាំងក្នុងនិងក្រៅប្រទេស។ លោកក៏ជាអតីតតួឯកប្រុសក្នុងរឿង “ពូម៉ូតូឌុបប៉ះសក់” និងធ្លាប់សាងភាពល្បីល្បាញ ដោយកើបលុយទូទាំងប្រទេសច្រើនផងដែរ។

ចំណែកឯក្រុមគ្រួសារវិញ គេក៏ដឹងដែរថា Peach គឺជាកូនចៅរបស់បុត្រសម្ព័ន្ធ Central Group ដែលមានឪពុកឈ្មោះ Thirayuth Chirathivat ជានាយកប្រតិបត្តិនៅ Central Group ដោយមានភាគហ៊ុន ២ពាន់លានបាត និងម្ដាយឈ្មោះ Chanadda Chirathivat ជាម្ចាស់ក្រុមហ៊ុនពេជ្រ Diamond Today ដ៏ធំនៅស្រុកថៃដូចគ្នា ខណៈតារាប្រុសរូបនេះវិញ មានមុខជំនួញផ្ទាល់ខ្លួន ជានាយកប្រតិបត្តិរបស់ Rocks PC ដែលជាក្រុមហ៊ុនម្ចាស់ Potato corner ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក ងាកមកមើលអនាគតស្វាមី Patricia Good ឯនេះវិញ លោកក៏ជាបុគ្គលមិនធម្មតាដែរ ខណៈនៅស្រុកថៃមហាជនដឹងឮថា Note Wiset Rangsi Singpipat ជាអ្នកជំនួញនិងជាមហាសេដ្ឋីប្រាក់លានទាំងក្រុមគ្រួសារតែម្ដង។ Note Wiset មានវ័យ៣៦ឆ្នាំ ដែលគេស្គាល់ថា ជាបុរសវ័យក្មេងដ៏មានមន្តស្នេហ៍មួយរូប ធ្លាប់ដណ្ដើមបានបេះដូងកំពូលតារាស្រីជួរមុខក្នុងប្រទេស២ដួង គឺ Aum Patcharapa និង Pu Praiya ស្របពេលដែលមហាជនក៏ស្គាល់ថែមទៀតថា បងប្រុសបង្កើតរបស់លោក គឺ Knot Witsarut ជាស្វាមីតារាស្រី Chompoo Araya ផងដែរ។

មិនត្រឹមប៉ុណ្ណោះលោក Note Wiset ក៏ជាអ្នកស្នងមរតកពីក្រុមហ៊ុន Razer Electric (Thailand) Co., Ltd., Ltd., បានបញ្ចប់ថ្នាក់វិទ្យាល័យនៅប្រទេសអូស្ត្រាលី ជាមួយនឹងបរិញ្ញាបត្រផ្នែកវិស្វកម្ម និងបានបន្តការសិក្សាថ្នាក់អនុបណ្ឌិតផ្នែកធុរកិច្ចនៅប្រទេសអង់គ្លេស លោកក៏ជានាយកប្រតិបត្តិនៃ H2FLOW ដែលជាក្រុមហ៊ុនផលិតភេសជ្ជៈ Slin ដ៏ធំថែមទៀតផង៕

ប្រែសម្រួល៖ សាង ស្រីល័ក្ខ

ចុចអាន៖Kimberly ទស្សនាផ្ទះថ្មី ត្រៀមរស់នៅជាមួយអនាគតស្វាមី Mak Prin

ចុចអាន៖ច្រើនសន្លឹក ក្នុងពិធីលាភាពនៅលីវ ពីតួឯកស្រីរឿង “សត្រូវមិត្ត” និងគូស្នេហ៍សេដ្ឋីស្រុក ថៃ