ជីវិតកម្សាន្ដ

ទោះមិនបានចូល Top 5 អ្នកគាំទ្រ កម្ពុជា នៅតែរំភើបចិត្តខ្លាំង ចំពោះ ពេជ្រ វត្តីសារ៉ា វឌ្ឍី (មានវីដេអូ)

បានផុស

២ years មុន

នៅ

ថ្ងៃអង្គារ ២៥ តុលា ២០២២

ដោយ

នារាត្រីថ្ងៃទី ២៥ ខែតុលានេះ បវរកញ្ញា Miss Grand Cambodia កញ្ញា ពេជ្រ វត្តីសារ៉ា វឌ្ឍី បានឈានជើងចូលវគ្គ Top10 ក្នុងយប់ប្រកួតវគ្គផ្តាច់ព្រ័ត្រ នៃកម្មវិធី Miss Grand International ឆ្នាំ២០២២ ដែលកំពុងធ្វើឡើងនៅទីក្រុងចាកាតា ប្រទេសឥណ្ឌូនេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ងាកទៅអ្នកគាំទ្រកម្ពុជាឯណោះវិញ ហាក់រំភើបចិត្តជាខ្លាំង ក្រោយពិធីករប្រកាសឈ្មោះបវរកញ្ញាកម្ពុជានៅចុងក្រោយគេបង្អស់។ លើសពីនេះថែមទៀត មហាជនជាច្រើន បន្ទាប់ពីបានឮឈ្មោះ កញ្ញា ពេជ្រ វត្តីសារ៉ា វឌ្ឍី ភ្លាមៗនៅលើបណ្ដាញសង្គម គ្រប់គ្នាបានសរសេរសារអបអរដល់នាងយ៉ាងច្រើនលើសលប់។

យ៉ាងណាមិញ គួរឲ្យសោកស្ដាយ កញ្ញា ពេជ្រ វត្តីសារ៉ា វឌ្ឍី មិនបានឆ្លងចូលវគ្គ Top5 នោះទេ តែយ៉ាងណា ពេជ្រវត្តី សារ៉ាវឌ្ឍី ក៏ទទួលបាន tittle ជា 5th Runner Up នៅក្នុងកម្មវិធី Miss Grand International 2022 ខណៈហ្វេនៗជាច្រើនមានមោទកភាព ដែលបវរកញ្ញារូបនេះនៅតែធ្វើបានល្អ និងបាននាំមកុដ 5th Runner Up មកប្រទេសកម្ពុជាដែរ។