ជីវិតកម្សាន្ដ

កាបូបរូបផ្សិតដែល Chompoo សម្ញែងក្នុងពិធីលាភាពនៅលីវប្អូនថ្លៃថ្ងៃមុន តម្លៃកប់ក្ដោង

បានផុស

២ years មុន

នៅ

ថ្ងៃព្រហស្បតិ៍ ២៧ តុលា ២០២២

ដោយ

ក្នុងពិធីលាភាពនៅលីវរបស់ Patricia Good និងមិត្តប្រុសមហាសេដ្ឋី តារាសម្ដែង Chompoo បានកាន់កាបូបរូបរាងដូចផ្សិតសម្ញែងខ្លួននៅមុខមហាជន ឯតម្លៃវិញញាក់មិនធម្មតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីលេចវត្តមានគូស្វាមីភរិយា Knot Witsarut និង Chompoo Araya ទៅចូលរួមអបអរសាទរពិធីជប់លៀងលាភាពនៅលីវរបស់ប្អូនប្រុស គឺលោក Note Wiset ជាមួយតារាសម្ដែង Patricia Good ។ ក្នុងនោះគេសង្កេតឃើញឈុតនិងពេជ្យដែល Chompoo ពាក់លម្អលើខ្លួនមានតម្លៃវាល់លាន ខណៈអ្វីដែលកាន់តែចាប់អារម្មណ៍ខ្លាំងពីមហាជននោះគឺ កាបូបរូបរាងផ្សិតតូចមួយ ដែលនាងកាន់ជាប់ក្នុងពិធីផងដែរ។

លើសពីនេះ កាបូបផ្សិតតូចមួយនេះ ពិតជាមានរូបរាងស្រស់ស្អាត និងគួរឲ្យស្រលាញ់ណាស់ ប៉ុន្តែក្រោយអ្នកគាំទ្រជាច្រើនបានដឹងពីតម្លៃហើយ ពិតជាញាក់ខ្លាំង ព្រោះកាបូបនេះជាផលិតផលរបស់ Judith Leiber x Katy Perry តម្លៃ ៦ ១៩៥ ដុល្លារអាមេរិក ឬប្រហែល ២៣ ម៉ឺនបាត។ ចំណែកកាបូបខ្លះ អាចមានតម្លៃលើសនេះទៀត នេះគ្រាន់តែគេប៉ាន់ស្មានកាបូបដែលអ្នកម្ដាយកូន៣ កាន់ចូលរួមពិធីរបស់ប្អូនថ្លៃប៉ុណ្ណោះ។

សូមបញ្ជាក់ថា កាលពីថ្ងៃ ២៣ កន្លងទៅនេះ តារាសម្ដែង Patricia Good បានកាន់ដៃមិត្តប្រុសមហាសេដ្ឋី រៀបចំពិធីជប់លៀងលាភាពនៅលីវ ដោយអញ្ជើញមិត្តភ័ក្ដិទាំងក្នុងនិងក្រៅឧស្សាហកម្មមកចូលរួមក្នុងពិធី និងមានការសន្ទនាគ្នាយ៉ាងស្និទ្ធស្នាលថែមទៀតផង៕