ជីវិតកម្សាន្ដ

BTS នឹងបញ្ជូនចម្រៀង ៤ បទ ដើម្បីដណ្ដើមពានរង្វាន់ពីកម្មវិធី Grammy នៅឆ្នាំ ២០២៣

បានផុស

២ years មុន

នៅ

ថ្ងៃព្រហស្បតិ៍ ២៧ តុលា ២០២២

ដោយ

BTS ត្រូវបានគេរាយការណ៍ថា នឹងបញ្ជូនបទចម្រៀងសរុបចំនួន ៤ សម្រាប់ដណ្តើមពានរង្វាន់នៅក្នុងកម្មវិធី Grammy Awards នៅឆ្នាំ ២០២៣ ដែលជាកម្មវិធីប្រគល់ពានរង្វាន់តន្រ្តីធំមួយរបស់សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីប្រគល់ពានរង្វាន់ Grammy Awards លើកទី ៦៥ នឹងធ្វើឡើងនៅខែកុម្ភៈ ឆ្នាំ ២០២៣ ដោយ ផ្តល់រង្វាន់ដល់សិល្បករដែលបានចេញអាល់ប៊ុមចម្រៀងនៅចន្លោះថ្ងៃទី ១ ខែតុលា ឆ្នាំ ២០២១ដល់ ថ្ងៃទី ៣០ ខែកញ្ញា ឆ្នាំ ២០២២។ថ្មីៗនេះ ក្នុងឧស្សាហកម្មតន្ត្រីអាមេរិកបានប្រកាសថា BTS បានបញ្ជូនចម្រៀងចំនួន ៤ បទផ្សេងគ្នាសម្រាប់ដណ្តើមពានរង្វាន់ចំនួនពីរដូចជា “Record of the Year” និង “Song of the Year”។

ក្នុងចំណោមបទចម្រៀងដែលក្រុមបានផ្ញើទៅកម្មវិធី Grammy មានបទចម្រៀងក្នុងអាល់ប៊ុម “Proof” បទ “Yet to come” ចំណែក៣បទទៀតគឺជាការសហការជាមួយសិល្បករអន្តរជាតិរួមមាន បទ “MyUniverse” ដែលការសហការរវាងក្រុម Coldplay , បទ “Left and Right” ជាការសហការរបស់សមាជិក Jungkook និង Charlie Puth , បទ “Bad Decisions” ដែលទើបចេញថ្មីៗនេះជាការសហការរបស់សមាជិក Jungkook, Jin, V, និង Jimin ជាមួយ Benny Blanco, Snoop Dogg ។

បន្ថែមពីលើ BTS បានបញ្ជូនបទចម្រៀងទាំង ៤ នេះទៅប្រកួតប្រជែងក្នុងដណ្តើមរង្វាន់ “Best Pop Duo/Group Performance” ដែលជាពានរង្វាន់ដែលផ្តល់ដល់សិល្បករដែលមានស្នាដៃសិល្បៈឆ្នើម ក្នុងការច្រៀងចម្រៀងប៉ុប ឬការសម្តែងក្រោមតន្ត្រីក្នុងទម្រង់ជាក្រុម ឬការសហការ។

ទោះជាយ៉ាងណាក៏ដោយ ថ្មីៗនេះ ក្រុមនេះបានប្រកាសថាពួកគេនឹងផ្អាកសកម្មភាពដើម្បីផ្តោតលើអាជីពទោលរបស់សមាជិកម្នាក់ៗ ក៏ដូចជាមានកាតព្វកិច្ចចូលបម្រើលយោធា ដូច្នេះហើយអ្នកគាំទ្រមានការព្រួយបារម្ភ នៅពេលដែលពិធីប្រគល់ពានរង្វាន់ Grammy Awards ឆ្នាំ ២០២៣ ប្រព្រឹត្តទៅនៅដើមឆ្នាំក្រោយ BTS នឹងមិនអាចចូលរួមបាន ឬនឹងខ្វះសមាជិក Jin ផងដែរ៕

ប្រែសម្រួល៖នាងតូច

ចុចអាន៖RM មេក្រុម BTS នឹងក្លាយជាពិធីករ ក្នុងកម្មវិធីអប់រំ របស់ប៉ុស្តិ៍ទូរទស្សន៍ tvN

ចុចអាន៖តួឯកស្រីរឿង ”អធិរាជឆ្លងភព” បរិច្ចាគប្រាក់ ១សែនដុល្លារ អបអរគម្រប់១០ឆ្នាំចូលសិល្បៈ