គណនី IG របស់ Pinky ស្រាប់តែមានសកម្មភាព ទាំងដែលម្ចាស់កំពុងជាប់ឃុំ

គណនីបណ្ដាញសង្គម Instagram របស់តារាស្រីថៃ Pinky Savika សុខៗស្រាប់មានសកម្មភាព​​បង្ហោះរូបថ្មីៗ ទាំងដែលម្ចាស់កំពុងជាប់ឃុំនៅក្នុងពន្ធនាគារនៅឡើយ ដែលរឿងនេះធ្វើឱ្យទស្សនិកជនមួយចំនួន កើតការងឿងឆ្ងល់ថានរណាជាអ្នកប្រើប្រាស់វាទៅ។

ស្របពេលដែល Pinky ជាមួយម្តាយ និងប្អូនប្រុស កំពុងឃុំឃាំងនៅក្នុងពន្ធនាគារជាង ៣ខែទៅហើយនោះ ទស្សនិកជនបានឃើញគណនី IG របស់នាងបានបង្ហោះរូបភាព Poster ភាពយន្តភាគចំនួនពីររឿង ដែលតារាស្រីរូបនេះបានចូលរួមសម្ដែង ហើយវាបានបង្កជាចម្ងល់ព្រោងព្រាត។

យ៉ាងណាមិញ ចំពោះចម្ងល់ដែលថា តើនរណាកំពុងប្រើប្រាស់បណ្ដាញសង្គមរបស់ Pinky ត្រូវបានអ្នកបង្ហោះបញ្ជាក់នៅក្នុងលើខេបសិនថា នោះគឺ អេដមីន! ហើយចំពោះសកម្មភាពដែលទើបលេចឡើងនាពេលថ្មីៗនេះ គឺដោយសាររឿងភាគរបស់នាង​ ទើបនឹងត្រូវចាក់បញ្ចាំងលើកញ្ចក់ទូរទស្សន៍ប៉ុស្តិ៍លេខ ៣៕

ប្រែសម្រួល៖ សន្យា

ចុចអាន៖ ស្ថាបនិក MGI និយាយអ្វីខ្លះ ពេល Engfa មិនអាចគ្រងមកុដឯក?