Lisa សមាជិក Blackpink បង្កើតកំណត់ត្រាថ្មីមួយនៅលើ Spotify

ខណៈពេលដែលក្រុម Blackpink កំពុងតែមមាញឹកជាមួយនឹងការប្រគុំតន្ត្រីទេសចរណ៍ជាសកលនៅសហរដ្ឋអាមេរិកសមាជិក Lisa បានបង្កើតកំណត់ត្រាថ្មីមួយនៅលើ Spotify ដែលជាមាតិកាស្តាបបទចម្រៀងធំបំផុតរបស់ពិភព លោក។

យោងតាមប្រព័ន្ធផ្សព្វផ្សាយកូរ៉េបានរាយការណ៍ថា បទចម្រៀងរបស់ Lisa ថ្មីៗនេះបានឈានដល់ ១ ពាន់លានអ្នកស្ទ្រីមសម្រាប់អាល់ប៊ុម”Lalisa”នៅលើវេទិកាតន្ត្រីដ៏ធំបំផុតរបស់ពិភពលោក Spotify។ នៅក្នុងអាល់ប៊ុមមានចម្រៀងតែ ២ បទប៉ុណ្ណោះគឺ បទ “Lalisa”, បទ “Money” ដោយធ្វើឲ្យអាល់ប៊ុមនេះបានជាប់លេខ១លើតារាងTop 5កំពូលតារា Kpop ទទួលបាន១ពាន់លានអ្នកស្ទ្រីមត្រឹមរយៈពេលដ៏ខ្លីបំផុត។

ជាសមិទ្ធិផល Lisa បានបង្កើតឯតទគ្គកម្មថ្មីនៅលើ Spotify ក្លាយជាសិល្បករ Kpop ដំបូងគេមានការ ស្ទ្រីម ១ ពាន់លានអ្នកនៅលើ Spotify លឿនបំផុតត្រឹមរយៈពេល ៤១១ ថ្ងៃ។ ជាមួយគ្នានេះ Lisa គឺជាសមាជិកក្រុម Blackpink ដែលជោគជ័យជាងគេនៅក្នុងឆ្នាំនេះដោយបានឈ្នះពានរង្វាន់ “Best Kpop” ពីកម្មវិធី MTV VMAs កាលពីចុងខែសីហាកន្លងទៅនេះ នឹងបាន​បង្កើត​ប្រវត្តិសាស្ត្រ ដោយ​ក្លាយ​ជា​សិល្បករ​ទោល K-pop ដំបូង​ដែល​ឈ្នះ​ពាន​រង្វាន់​នេះ។

យ៉ាងណាមិញថ្មីៗនេះ Lisa បានក្លាយជាតារា Kpop ទោលតែមួយគត់ដែលត្រូវបានជ្រើសរើស សម្រាប់ដណ្តើមពានរង្វាន់ “Best Kpop” ពីកម្មវិធីប្រគល់ពានរង្វាន់ MTV EMAs (Europe Music Awards) នាពេលខាងមុខនេះផងដែរ៕

ប្រែសម្រួល៖នាងតូច

ចុចអាន៖BTS នឹងបញ្ជូនចម្រៀង ៤ បទ ដើម្បីដណ្ដើមពានរង្វាន់ពីកម្មវិធី Grammy នៅឆ្នាំ ២០២៣

ចុចអាច៖អ្នកគាំទ្របារម្ភ Taeyang សមាជិក Big Bang ចំពោះសកម្មភាពចម្លែករបស់លោកលើអ៊ីនធឺណិត