Janie តារាស្រីត្រូវអ្នកគាំទ្របារម្ភពីសុខភាពម្នាក់ទៀត ក្រោយរាងកាយស្គមស្គាំងខ្លាំង

បន្ទាប់ពីមួយរយៈនេះ តារាសម្ដែង Janie Tienphosuwan ហាក់បង្ហាញរូបភាពជាមួយនឹងរាងកាយ​ស្គមស្គាំង ​​​មើល​ឃើញ​ឆ្អឹងជំនីរច្បាស់ៗខ្លាំង រហូតហ្វេនមួយចំនួនធំ នាំគ្នាព្រួយបារម្ភពីសុខភាពនាង។

ថ្មីៗ​នេះ​ មាន​ព័ត៌មាន​បាន​ចេញ​មកថា ​ពេល​នេះ​តារាសម្ដែងថៃ Janie​ មាន​ទម្ងន់​ត្រឹមតែ៤៤​គីឡូក្រាម រង្វង់​ចង្កេះ​២២​អ៊ីញ ប៉ុន្តែ​នាង​ក៏​បាន​បញ្ជាក់​ថា ​នាង​​មាន​សុខភាព​ល្អ ដោយ​សារ​តែ​នាងមាន​ទម្លាប់​ហាត់​ប្រាណ​ជា​រៀង​រាល់​ថ្ងៃ ហើយជ្រើសរើសទទួលទាន​អាហារ​ដែល​ផ្តោត​លើ​ប្រូតេអ៊ីន។ ព្រោះចង់​មាន​រាង​ស្អាត​គ្រប់​ពេលវេលា ដែលនាងចេញទៅធ្វើការបាន។

ទោះយ៉ាងណាក៏ដោយ ហ្វេនៗមួយចំនួនធំ បានសំដែង​ក្ដីព្រួយបារម្ភពីសុខភាពនាង​ម្នាក់ទៀត​ថា កាន់តែស្គមខ្លាំងទៅៗដូចតារាស្រីៗផ្សេងទៀត។ ក្នុងនោះក៏មាន​ចរន្ត​នៃការ​រិះគន់​នាងយ៉ាងដំណំ​ដូចគ្នា​ថា ដើម្បីតែលុយទ្រាំធ្វើបាបខ្លួនឯង។

យ៉ាង​ណា​ក្តី មិនថាមានអ្នកវាយប្រហារនាង ឬបញ្ចេញមតិបែបណា​ ប៉ុន្តែ Janie យល់ថា ធ្វើការ​នៅមុខកាមេរ៉ា ត្រូវមើលថែខ្លួនឯង​ឲ្យបាន​ល្អគ្រប់ពេលវេលា ទាំងសុខភាព ​លំហាត់ប្រាណ ​របបអាហារ និងសម្រស់។ ម៉្យាងវិញទៀត​ ទោះមនុស្ស​គ្រប់គ្នា​មើលមកនាងថាស្គមស្គាំង ​តែនាងថា​នាងនៅតែរឹងមាំ។ Janie ក៏​មានទស្សនៈផ្ទាល់ខ្លួនថា ប្រសិនបើយើងដឹងថា យើងកំពុងធ្វើអ្វី យើងមិនបានធ្វើវា​លើសពីនេះទេ គឺមិនមានបញ្ហាចោទឡើយ។ ចំណែក​និន្នាការ​លើ​បណ្ដាញ​សង្គម​វិញ ពិត​ជា​មិន​ប៉ះពាល់​ដល់​ចិត្តនាង​ទៀត​ទេ៕​

ប្រែសម្រួល៖ សាង ស្រីល័ក្ខ

ចុចអាន៖ក្រោយឃើញឃ្លិបរាំរបស់ Mai Davika ហ្វេនទូទាំងសកលលោក ចូលមកបញ្ចេញមតិព្រាត

ចុចអាន៖ហ្វេនស្រឡាំងកាំង ក្រោយ Aum Patcharapa បង្ហាញខ្លួនក្នុងឈុតរៀបការ