ជីវិតកម្សាន្ដ

លោកគ្រូ នូ ស៊ិប ស្ថានភាពជំងឺកាន់តែដុនដាបខ្លាំង ខណៈជីវភាពកំពុងជួបការខ្វះខាត

បានផុស

២ years មុន

នៅ

ថ្ងៃសៅរ៍ ២៩ តុលា ២០២២

ដោយ

អ្នកគាំទ្រឃើញហើយពិតជាខ្លោចចិត្តអាណិតចំពោះតារាចម្រៀងជើងចាស់លោកគ្រូ នូ ស៊ិប ខណៈបច្ចុប្បន្ន លោកកំពុងមានជំងឺប្រចាំកាយ និងជួបការខ្វះខាតខ្លាំង ដោយមកសុំស្នាក់នៅជាមួយផ្ទះកូនធម៌ម្តុំវត្តភ្នៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីតារាសម្ដែងលោក សាវិន ហ្វីលីប បានឲ្យដឹងថា តារាចម្រៀងល្បីឈ្មោះ លោកគ្រូ នូ ស៊ិប ពេលនេះកំពុងជួបការខ្វះខាត និងមានជំងឺប្រចាំកាយដូចជា លើសឈាម និងដុំសរសៃជើងជាដើម។

លោក សាវិន ហ្វីលីប បានរៀបរាប់ដោយក្តីអាណិតថា អនិច្ចាណាស់ តារាចម្រៀងជើងចាស់ នូ ស៊ិប ចំណាយពេលវេលាស្ទើរមួយជីវិតជាមួយសិល្បៈ ប៉ុន្តែរកផ្ទះមួយជ្រកគ្មាន សូមបងប្អូនមេត្តាជួយគាត់ម្នាក់ ១ ដុល្លារ ផង យប់មិញគាត់ឡើងឈាមខ្លាំង។

លោកបន្តទៀតថា ខ្ញុំបានមកជួបតារាចម្រៀង នូ ស៊ិប ឃើញផ្ទាល់នឹងភ្នែកហើយ គឺថាស្ថានភាពជីវិតចុងក្រោយរបស់គាត់ពេលនេះ ដុនដាបណាស់។ បើបងប្អូនមានក្ដីមេត្តាចំពោះមនុស្សចាស់ដ៏ក្រីក្រនេះ ហើយចង់ជួយគាត់ម្នាក់ ១ ដុល្លារ នេះគឺ ABA របស់គាត់ : ABA : ០១២ ៩៥៨ ០៥៤ – NOU SIP។

បើតាមការរៀបរាប់ពីលោកគ្រូ នូ ស៊ិប បានលើកឡើងថា លោកមិនមានផ្ទះសំបែងខ្លួនឯងទេ ហើយគិតមកដល់ពេលនេះ លោកគ្រូរស់នៅភ្នំពេញដោយការជួលបន្ទប់គេរយៈពេល ៣០ ឆ្នាំហើយ។

លោកគ្រូ នូ ស៊ិប បន្តថា សព្វថ្ងៃលោកកំពុងមានជំងឺប្រចាំកាយដូចជា លើសឈាម និងដុំសរសៃជើ ង ខណៈជំងឺតែងធ្វើទុក្ខស្ទើរជាប្រចាំ។ ម្យ៉ាងទៀត លោកក៏ពុំមានលទ្ធភាពដើម្បីទៅរកពេទ្យព្យាបាលនោះដែរ។

សូមបញ្ជាក់ថា លោកគ្រូ នូ ស៊ិប អាយុ ៧៦ ឆ្នាំ បានធ្លាក់ខ្លួនឈឺដុំសរសៃជើង និងលើសឈាម មានរយៈពេលយូរឆ្នាំមកហើយ ពេលនេះស្ថានភាពជំងឺលោកកាន់តែដុនដាបខ្លាំង។

លោកគ្រូ នូ ស៊ិប បច្ចុប្បន្នកំពុងផ្ញើជីវិតរស់នៅជាមួយកូនធម៌ ស្ថិតនៅភូមិបឹងខ្នំ សង្កាត់ពន្សាំង ខណ្ឌព្រែកភ្នៅ។ តារាចម្រៀងជើងចាស់រូបនេះ គ្មានប្រពន្ធ និងកូននោះទេ ពោលគឺកន្លងមក លោកគ្រូរស់នៅតែម្នាក់ឯង។ រយៈកាលប៉ុន្មានឆ្នាំចុងក្រោយនេះ ជំងឺប្រចាំកាយរបស់លោកពិតជាធ្វើទុក្ខក្នុងខ្លួនខ្លាំងរហូតដល់សឹងទ្រាំមិនបាន៕

អត្ថបទ ៖ ចាន់រ៉ា