សឿ សុធារ៉ា ជួបទុក្ខធំម្តាយទទួលមរណភាព ខណ:លុយធ្វើបុណ្យក៏គ្មាន

តារាសម្តែងអ្នកនាង សឿ សុធារ៉ា និងក្រុមគ្រួសារពេលនេះ កំពុងជួបទុក្ខដ៏ក្រៀមក្រំ និងសោកសៅជាទីបំផុត ខណ:ដែលអ្នកម្តាយជាទីស្រឡាញ់របស់នាង បានទទួលមរណភាពទាំងអាល័យកាលពីយប់មិញ។

ដោយឡែករឿងដែលធ្វើឲ្យមហាជន និងអ្នកគាំទ្រកាន់តែរន្ធត់ចិត្តអាណិតដល់អ្នកនាង សឿ សុធារ៉ា ទៀតនោះ គឺសូម្បីតែលុយរៀបចំធ្វើបុណ្យសពម្តាយក៏គ្មានទៀតផង។ នេះតាមការបញ្ជាប់ពីតារាស្រីអ្នក នាង សឿ សុធារ៉ា។ បើតាមលោក សាវិន ហ្វីលីប ដែលជាអ្នកសិល្ប:ដូចគ្នា បាននិយាយថា សឿ សុ ធារ៉ា ជួបទុក្ខធំម្ដាយស្លាប់យប់មិញ សូម្បីលុយធ្វើបុណ្យក៏គ្មានគ្រប់គ្រាន់ ពេលនេះសល់តែសំបកខ្លួន..។ 

ម្តាយរបស់អ្នកនាង សឿ សុធារ៉ាបានស្លាប់នៅវេលាម៉ោង១១ និង៤១នាទីយប់ថ្ងៃទី២៨ ខែតុលា ឆ្នាំ២០២២ខណ:ពេលនេះ សពកំពុងតម្កល់ធ្វើបុណ្យនៅវត្តវិហារត្រាញ់តាមផ្លូវជាតិលេខ២ស្ថិតនៅខាងត្បូងរង្វង់មូលគួរស្រូវប្រមាណ៨០០ម៉ែត្រ។ តារាសម្តែង សឿ សុធារ៉ា បានរៀបរាប់ទាំងក្តុកក្តួលដោយស្តាយស្រណោះអ្នកម្តាយដែលទទួលមរណភាពលឿនពេក។

តាមរយ:ដំណឹងមរណទុក្ខនេះដែរ គេឃើញមានអ្នកគាំទ្រ និងទស្សនិកជនព្រមទាំងអ្នកសិល្ប:ជាច្រើនបានសម្តែងការចូលរួមរំលែកទុក្ខដ៏ក្រៀមក្រំ និងសោកសៅនេះជាមួយតារាសម្តែងអ្នកនាង សឿ សុ ធារ៉ា និងក្រុមគ្រួសារផងដែរ៕

ដោយ៖ ចាន់រ៉ា