ជីវិតកម្សាន្ដ

តួឯកប្រុសរឿង “ពូម៉ូតូឌុបប៉ះសក់” ទម្លាយភាពលំបាកខ្លាំង ក្នុងនាមជាកូនសេដ្ឋីប្រាក់លាន

បានផុស

២ years មុន

នៅ

ថ្ងៃចន្ទ ៣១ តុលា ២០២២

ដោយ

តារាសម្ដែង Peach Phachara Chirathivat ត្រូវមហាជនដឹងឮថា លោកជាអ្នកស្នងមរតកពាន់លាន របស់ផ្សារទំនើប Central ក្នុងប្រទេសថៃ ដែលមានហាងទំនិញធំៗនិងល្បីៗតែមួយប្រមូលផ្ដុំគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង តារាប្រុសវ័យក្មេងរូបនេះ បានអង្គុយជាភ្ញៀវកិត្តិយសក្នុងកម្មវិធី YouTube Channel ដែលមានពិធីករ Ping Pong សួរនាំនៅក្នុងផ្នែកខ្លះនៃជីវិតស្នេហាលោក ក្រោយបែកបាក់ជាមួយតារាសម្ដែង Patricia Good ខណៈឈានដល់ការសួរពីទុក្ខលំបាកអ្វីខ្លះ ដែលលោកជួបប្រទះក្នុងនាមជាកូនអ្នកមានទ្រព្យសម្បត្តិច្រើនប្រចាំប្រទេស?

ឆ្លើយដោយមិនគិតយូរ តួឯកប្រុសក្នុងរឿង “ពូម៉ូតូឌុបប៉ះសក់” បាននិយាយទាំងអស់សំណើចថា “ភាពលំបាកខ្លាំងសម្រាប់ជីវិតខ្ញុំក្នុងនាមជាកូនអ្នកមាន គឺនៅក្នុងជណ្ដើរយន្តយូរហើយ ចំពេលឈឺចុកពោះ ជាពិសេសក្នុងជណ្តើរយន្តមានមនុស្សច្រើន។ ខ្ញុំមិនចូលចិត្តបន្ទោបង់នៅបន្ទប់ទឹកខាងក្រៅទេ! ខ្ញុំមិនបានចេញក្រៅ តាំងពីខ្ញុំនៅក្មេង ទើបខ្ញុំមានទម្លាប់នៅតែផ្ទះ។ ខ្ញុំចាំបានថា ខ្ញុំធ្លាប់ទៅថតរឿងនៅខេត្តផ្សេង ហើយខ្ញុំមានអារម្មណ៍ថាខ្ញុំរាគ។ ប៉ុន្តែខ្ញុំបានស៊ូទ្រាំមិនបន្ទោបង់ រហូតដល់ថតរឿងចប់ ហើយវិលមកផ្ទះវិញឡើងទៅបន្ទប់ទឹកក្នុងផ្ទះដែលមានកម្ពស់ ៥០ ជាន់។ ខ្ញុំត្រូវត្រលប់ទៅបន្ទោសបង់នៅផ្ទះវិញជារៀងរាល់ថ្ងៃ រហូតក្លាយជាទម្លាប់។ ស្ដាប់មើលទៅចម្លែក តែភាពពិបាកក្នុងនាមជាកូនអ្នកមានទ្រព្យ មិនមែនស្រួលដូចការគិត ព្រោះខ្ញុំមានទម្លាប់បែបនេះតាំងពីតូចមកហើយ៕