ជីវិតកម្សាន្ដ

ស្ថាបនិក MGI សម្រេចតែងតាំង Miss Grand ហ្វីលីពីន ក្នុងតំណែងលំដាប់រងទី ៥

បានផុស

២ years មុន

នៅ

ថ្ងៃចន្ទ ៣១ តុលា ២០២២

ដោយ

កាលពីពេលថ្មីៗនេះ Miss Grand International បានប្រកាសជាផ្លូការ ថា Miss Grand ហ្វីលីពីន នឹងក្លាយជាបវកញ្ញាលំដាប់រងទី៥ ជំនួសបវរកញ្ញាតំណាងប្រទេស Mauritius ដែលបានលាលែងពីតំណែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ នៅលើទំព័រហ្វេសបុករបស់ Miss Grand International បានបញ្ជាក់ដោយសរសេរខេបសិនថា “Miss Grand International សូមប្រកាសតែងតាំង Roberta Angela Tamondong ដែលជា Miss Grand Philippines 2022 ជាលំដាប់រងទី៥ នៃ Miss Grand International 2022។ នាងនឹងក្លាយជាផ្នែកមួយនៃ Top10 ហើយនឹងបន្តបេសកកម្មរបស់នាងជាមួយក្រុម MGI សម្រាប់ពេលមួយឆ្នាំ។ សូមអបអរសាទរ និងស្វាគមន៍ចំពោះក្រុមគ្រួសារ GRAND។”

ដោយឡែក មុនពេលឈានដល់ការតែងតាំងបវរកញ្ញាហ្វីលីពីន លោក Nawat Itsaragrisil ដែលជាស្ថាបនិក Miss Grand International បានឡាយលើគណនីផ្ទាល់របស់លោកថា លោកនឹងពិចារណាប្រគល់តំណែងនេះទៅកាន់ Miss Grand វៀតណាមនាង Doan Thien An ប្រសិនបើផេកផ្លូវការ Miss Grand International អាចទទួលបានអ្នកតាមដាន ៧លាននាក់ លោកនឹងពិចារណាលើតំណែងនេះឲ្យនាងភ្លាមៗ។

សូមរម្លឹកដែរថា កាលពីរាត្រីថ្ងៃ ២៥ តុលា ដែលជាវគ្គផ្ដាច់ព្រ័ត្រក្នុងកម្មវិធី Miss Grand International 2022 ធ្វើឡើងនៅឥណ្ឌូណេស៊ី និងរកឃើញម្ចាស់មកុដថ្មី បានទៅលើបវរកញ្ញាមកពីប្រទេសប្រេស៊ីល នាង Isabella Meninខណៈលំដាប់រងលេខ ១ បវកញ្ញា ថៃ លេខ២ ឥណ្ឌូណេស៊ី លេខ៣ វេណេស៊ុយអេឡា និងលេខ៤ សាធារណរដ្ឋឆេក។ ចំណែកឯលំដាប់រងលេខ៥ មាន កម្ពុជា កូឡុំប៊ី ព័រតូរីកូ អេស្ប៉ាញ និងហ្វីលីពីន៕