ជីវិតកម្សាន្ដ

ផលិតកម្មល្បីៗនៅកូរ៉េ លុបចោលកាលវិភាគសម្ដែង ព្រោះតែសោកនាដកម្មនៅ Itaewon

បានផុស

២ years មុន

នៅ

ថ្ងៃចន្ទ ៣១ តុលា ២០២២

ដោយ

សោកនាដកម្មរត់ជាន់គ្នានៅថ្ងៃ Halloween ក្នុងតំបន់ Itaewon ទីក្រុងសេអ៊ូល បានធ្វើឱ្យក្រុមហ៊ុនកម្សាន្តប្រកាសថា នឹងផ្អាករាល់សកម្មភាពកម្សាន្តជាបន្តបន្ទាប់ ក៏ដូចជាលុបចោលកាលវិភាគបញ្ចេញអាល់ប៊ុមចម្រៀង ដើម្បីចូលរួមកាន់ទុក្ខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលកន្លងទៅនេះ SM Entertainment ដែលជាក្រុមហ៊ុនគ្រប់គ្រងរបស់ EXO, NCT, SNSD, aespa… បានប្រកាសលុបចោលព្រឹត្តិការណ៍ ‘SMTOWN WONDERLAND 2022’ ដែលរៀបចំនៅថ្ងៃ Halloween សម្រាប់សិល្បករ ត្រូវត្រលប់មកផ្សាយផ្ទាល់ដោយឥតគិតថ្លៃតាមរយៈ Beyond Live វិញ ក្នុងនោះខាងផលិតកម្មក៏បានសុំការយោគយល់ពីអ្នកគាំទ្រផងដែរ។

ជាមួយគ្នានេះ ខាងផលិតកម្ម HYBE ក៏បានចេញសេចក្តីជូនដំណឹងអំពីការពន្យារពេលនៃកាលវិភាគរបស់ Jin សមាជិក BTS សម្រាប់សកម្មភាពបណ្តោះអាសន្នក្នុងការចេញផ្សាយអាល់ប៊ុមទោលរបស់គាត់។ ក្រៅពីនេះ កម្មវិធី TXT’s Eternally Dance Practice ដែលគ្រោងនឹងចេញនៅថ្ងៃទី ៣១ ខែតុលាក៏ត្រូវបានលុបចោលដែរ។ ក្រុមហ៊ុនសង្ឃឹមថាអ្នកគាំទ្រ និងសាធារណជន អាចយល់ពីការសម្រេចចិត្តមួយនេះ។

រីឯផលិតកម្ម YG Entertainment ក៏បានប្រកាសថា ពួកគេនឹងពន្យារកាលវិភាគចេញផ្សាយមាតិកាសម្រាប់សិល្បកររបស់ពួកគេសម្រាប់ពេលបច្ចុប្បន្ន។ មានសិល្បករជាច្រើនដូចជា Big Bang, BLACKPINK, WINNER, TREASURE និងជាច្រើនទៀតបានយកបណ្តាញសង្គមរបស់ពួកគេ ដើម្បីចេញសេចក្តីថ្លែងការណ៍អំពីការបញ្ឈប់ការចេញផ្សាយមាតិកាដែលបានគ្រោងទុកកាលពីថ្ងៃទី ៣០ ខែតុលា។

មិនត្រឹមតែប៉ុណ្ណោះ ព្រឹត្តិការណ៍តន្ត្រី និងការកម្សាន្តទាំងអស់នៅក្នុងប្រទេសកូរ៉េនៅថ្ងៃទី ៣១ ខែតុលា ក៏មិនត្រូវបានប្រព្រឹត្តទៅដូចការគ្រោងទុកនោះទេ រួមទាំងមហោស្រពតន្ត្រី Busan One Asia, ក៏ដូចជាកម្មវិធីជួបជុំអ្នកគាំទ្ររបស់ក្រុម Twice ជាដើម៕

ប្រែសម្រូល៖នាងតូច

ចុចអាន៖តារាសម្ដែង Lee JiHan ស្លាប់ក្នុងហេតុការណ៍រត់ជាន់គ្នានៅ Itaewon

ចុចអាន៖ក្រុមចម្រៀង RED VELVET នឹងវិលត្រលប់មកវិញ នៅចុងខែវិច្ឆិកា