ម្ចាស់មកុដ MGI ឆ្នាំមុន ចេញមុខមកសុំចិត្តទស្សនិកជនវៀតណាម ឈប់ដៀមដាមគេឯង

បន្ទាប់ពីភាពចម្រូងចម្រាសរវាងទស្សនិកជនវៀតណាម និងស្ថាប័ន Miss Grand International ហាក់មិនព្រមបញ្ចប់ ម្ចាស់មកុដ MGI ឆ្នាំ២០២១ បវរកញ្ញា Nguyen Thuc Thuy Tien បានមុខមក Live និយាយពាក្យក្នុងចិត្ត និងបានសម្ដែងការ​សោក​ស្តាយ​ចំពោះរឿងរ៉ាវ​ដែល​កំពុង​កើត​ឡើង។

ក្រោយបញ្ចប់កម្មវិធីប្រកួត Miss Grand International 2022 ទស្សនិកជនវៀតណាមបានធ្វើការ Unfollow ផេក Instagram និង Facebook របស់ប័ន Miss Grand International និង Nguyen Thuc Thuy Tien យ៉ាងគំហុក ដោយសារមិនពេញចិត្ត​​លទ្ធផល​កំពូល​ទាំង ១០ ចុងក្រោយ​។

រឿងរ៉ាវនេះកាន់តែក្ដៅគគុក បន្ទាប់ពីលោក ណាវ៉ាត់ អះអាងនឹងតែងតាំងបវរកញ្ញាវៀតណាម ឱ្យកាន់តំណែងលំដាប់រងទី៥ ប្រសិនទស្សនិកវៀតណាមធ្វើឱ្យបណ្ដាញសង្គមរបស់ស្ថាប័នកើនឡើងដល់ ​៧លាននាក់ត្រឹមរយៈពេល ២៤ម៉ោង ដែលការអះអាងនេះរឹតតែធ្វើឱ្យវៀតណាម ខឹងសម្បារជាមួយស្ថានិករូបនេះយ៉ាងខ្លាំង។

យ៉ាងណាមិញ កាលពីយប់ម្សិល ស្ថាប័ន MGI បានប្រកាសតែងតាំងបវរកញ្ញាហ្វីលីពីនឱ្យកាន់តំណែងលំដាប់រងទី៥ ជំនួសបវរកញ្ញាដែលលាលែងពីតំណែង ខណៈទស្សនិកជនវៀតណាម នៅតែបន្តដៀមដាមទៅលើស្ថាប័ន​ MGI។

ជុំវិញរឿងរ៉ាវដ៏ល្អក់កករនេះដែរ បវរកញ្ញា Thuy Tien ទ្រាំនៅស្ងៀមទៀតលែងបាន ដោយនាងបានចេញមកធ្វើការ Live សុំចិត្តទស្សនិកជន ឈប់បន្តប្រើសម្តីធ្ងន់ៗទៅលើបវរកញ្ញាប្រទេសផ្សេង ក៏ដូចជាស្ថាប័ន MGI តទៅទៀត ដែលវាធ្វើឲ្យប៉ះពាល់ទាំងអ្នកក្នុងស្រុកដែលមិនដឹងអី និងទស្សនិកជនបរទេសដែលគាំទ្រវិស័យសម្រស់។ លើសពីនេះ នាងសង្ឃឹមថា អ្នកគាំទ្រវៀតណាមនឹងរក្សាភាពស្ងប់ស្ងាត់ ហើយព្រមទទួលយកលទ្ធផលរបស់គណៈវិនិច្ឆ័យ៕

ប្រែសម្រួល៖ សន្យា

ចុចអាន៖ ស្ថាបនិក MGI នឹងឱ្យតំណែងលំដាប់រងទី៥ ទៅវៀតណាម ប្រសិនបណ្ដាញសង្គមរបស់ស្ថាប័នកើនអ្នកតាមដាន ៧លាននាក់