Park Bom ចេញបទចម្រៀងថ្មីយ៉ាងស្ងប់ស្ងាត់ ក្រោយអ្នកគាំទ្រព្រួយបារម្ភសុខភាព

បន្ទាប់ពីធ្វើ​ឱ្យ​អ្នក​គាំទ្រ​ព្រួយ​បារម្ភ​អំពីបញ្ហា​សុខភាពរួចមក Park Bom ថ្មី​ៗនេះនាងបានបញ្ចេញបទចម្រៀងថ្មី ដោយមិនមានការផ្សព្វផ្សាយពិសេសអ្វីឡើយ។

កាលពីម្សិលមិញ (ថ្ងៃទី ១) ភ្នាក់ងាររបស់ Park Bom គឺ D-NATION Entertainment បានប្រកាសចេញបទ ចម្រៀងថ្មីរបស់នាងនៅលើ Instagram ផ្លូវការរបស់ខ្លួនដោយនិយាយថា ” បទចម្រៀង ‘Remembered’ របស់ Park Bom អាចស្តាប់បាននៅលើគេហទំព័រតន្ត្រីទាំងអស់នៅម៉ោង ៦ ល្ងាចថ្ងៃនេះ”។

តាមរយៈសេចក្តីប្រកាសនោះ អ្នកគ្រប់គ្រងក្រុមហ៊ុនបាននិយាយថា “សូមអរគុណដល់អ្នកគាំទ្រ ដែលគាំទ្រ Park Bom ជាសិល្បកររបស់យើង ។ ដើម្បីសម្តែងជាសញ្ញានៃការចូលរួមរំលែកទុក្ខរបស់ប្រទេសជាតិនាពេលបច្ចុប្បន្ន យើងនឹងមិនធ្វើសកម្មភាពផ្សព្វផ្សាយ នៅលើប្រព័ន្ធផ្សព្វផ្សាយផ្ទាល់ខ្លួនរបស់យើងទាក់ទងនឹងការចេញ​បទ​ចម្រៀង​នេះទេ»។ .

យ៉ាងណាមិញ ដោយសារតែវាជាអំឡុងពេលនៃការកាន់ទុក្ខព្រោះតែឧបទ្ទវហេតុនៅតំបន់ Itaewon ទើប Park Bom បានបញ្ចេញបទចម្រៀងថ្មីរបស់នាងដោយស្ងាត់ៗ មិនមានការផ្សព្វផ្សាយពិសេសណាមួយឡើយ ទន្ទឹមនឹងនោះ បច្ចុប្បន្ននេះកម្មវិធីកម្សាន្ត និងព្រឹត្តិការណ៍សំខាន់ៗត្រូវបានលុបចោលក៏ដូចជាពន្យារពេលការចាក់ផ្សាយ៕

ប្រែសម្រួល៖នាងតូច

ចុចអាន៖YouTuber ម្នាក់ ទម្លាយមូលហេតុពីការឡើងទម្ងន់យ៉ាងឆាប់រហ័ស របស់ Park Bom

ចុចអាន៖ទម្រាំជោគជ័យដូចសព្វថ្ងៃ Park Bom ហែលឆ្លងកាត់ឧបសគ្គច្រើន សឹងតែសម្លាប់ខ្លួន