ជីវិតកម្សាន្ដ

តាមពិត Lee JiHan មិនបានចូលរួមពិធីបុណ្យ Halloween ឡើយ តែស៊ូលះបង់ជីវិត ជួយក្មេងនៅ Itaewon

បានផុស

២ years មុន

នៅ

ថ្ងៃព្រហស្បតិ៍ ៣ វិច្ឆិកា ២០២២

ដោយ

អ្នកនិយមលេងអ៊ីនធឺណិត និងអ្នកគាំទ្រមានការភ្ញាក់ផ្អើលជាខ្លាំង បន្ទាប់ពីសារព័ត៌មាននៅប្រទេសកូរ៉េខាងត្បូង បានលាតត្រដាងរឿងនៅពីក្រោយការស្លាប់ របស់តារាសម្តែងវ័យ ២៤ ឆ្នាំ លោក Lee Jihan ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមសាក្សីម្នាក់ដែលឃើញហេតុការណ៍ បានរៀបរាប់ថា តាមពិតទៅ Lee Ji Han លេចមុខនៅ Itaewon មិនមែនដោយសារតែលោកស្ថិតក្នុងព្រឹត្តិការណ៍នោះទេ។ ប៉ុន្តែដោយសារតែលំនៅឋានរបស់លោកនៅទីនោះ ហើយពេលនោះ Lee Ji Han បានវិលត្រឡប់ទៅផ្ទះវិញ ក្រោយពីថតរឿងចប់។ ប៉ុន្តែលោកស្រាប់តែឃើញមនុស្សកកកុញនៅតាមផ្លូវតូច នៃចំណុចកន្លែងកើតហេតុ ។ មិនបង្អង់យូរ ទើបលោកបានយកខ្លួនទៅជួយក្មេងស្រីម្នាក់ ចេញមក រហូតដល់ខ្លួនឯងបានធ្លាក់ចូលក្នុងការឡោមព័ទ្ធនៃហ្វូងមនុស្ស ហើយក្រោយមក ក៏ទទួលដំណឹងថា តារាសម្ដែងរូបនេះបានស្លាប់ក្នុងឧប្បត្តិហេតុរត់ជាន់គ្នានៅ Itaewon។

នៅក្នុងព្រឹត្តិការណ៍នេះ ក្រុមគ្រួសាររបស់ក្មេងស្រីដែលត្រូវបានជួយសង្គ្រោះដោយ Lee Ji Han បានសម្តែងការដឹងគុណយ៉ាងជ្រាលជ្រៅ ដែលតារារូបនេះបានទៅជួយនាងអស់ពីកម្លាំងកាយ រហូតដល់ត្រូវស្លាប់ខ្លួនឯង។ ទោះបីជាទីភ្នាក់ងាររបស់ Lee Ji Han មិនបានធ្វើការបកស្រាយអ្វីបន្ថែមនៅពេលនេះក៏ដោយ ក៏អ្នកគាំទ្រ និងអ្នកតាមដានដែលបានទទួលដំណឹងនេះ បានបញ្ចេញមតិលើការលះបង់របស់ Lee Ji Han ដែលត្រូវបញ្ចប់ជីវិតរបស់គេ បើទោះបីជាអនាគតនៅលើកម្មវិធីកម្សាន្ត កំពុងតែល្បីល្បាញក្ដី។