ជីវិតកម្សាន្ដ

វណ្ណដា ជះឥទ្ធិពលលើស្ថាបនិក MGI ក្រោយលោកបង្ហោះបទ “នារីជឿនលឿន” ក្នុង Story IG (មានវីដេអូ)

បានផុស

២ years មុន

នៅ

ថ្ងៃព្រហស្បតិ៍ ៣ វិច្ឆិកា ២០២២

ដោយ

អ្នកគាំទ្រជាច្រើន ជាពិសេសកម្ពុជា មានក្ដីរំភើបនិងភ្ញាក់ផ្អើលជាខ្លាំង ក្រោយឃើញលោក Nawat Itsaragrisil បង្ហោះស្ទូរីបទចម្រៀង “នារីជឿនលឿន” របស់តារារ៉េបវណ្ណដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ស្ថាបនិកកម្មវិធីប្រលងសម្រស់ Miss Grand International បានយកបណ្ដាញសង្គមអ៊ិនស្តាក្រាមផ្ទាល់ខ្លួនរបស់លោក ដែលមានអ្នកតាមដានជាង ៦០៨ពាន់នាក់ បង្ហោះបទចម្រៀងរបស់វណ្ណដាដែលមានចំណងជើងថា “នារីជឿនលឿន” ខណៈហ្វេនៗដែលនិយមតាមដានលោក មានការភ្ញាក់ផ្អើលជាខ្លាំង។ ជាពិសេសនោះគឺអ្នកគាំទ្រកម្មវិធី Miss Grand International តែម្ដង។

លើសពីនេះ មហាជនជាច្រើនកំពុងដាក់ការសង្ស័យថា លោក Nawat Itsaragrisil ជាហ្វេនរបស់តារារ៉េបវណ្ណដាឬយ៉ាងណា? ឬតារារ៉េបកម្ពុជា កំពុងតែជះឥទ្ធិពលលើស្ថាបនិក MGI ហើយ? ម៉្យាងវិញទៀត គេក៏កម្រឃើញលោកបង្ហោះ ឬ Add Story ក្រៅពីវិស័យបវកញ្ញាណាស់។ ស្របពេលទស្សនិកជនគិតថា នេះជាអ្វីដែលវណ្ណដាកំពុងបង្ហាញឥទ្ធិពលខ្លួន តាមរយៈវិស័យរ៉េបឲ្យប្រទេសជិតខាងស្គាល់កាន់តែច្បាស់ ដូចដែលវីដេអូលោកធ្លាប់ធ្វើការសម្ភាសន៍កន្លងមក។

ទោះយ៉ាងក៏ដោយ មិនថាលោក Nawat ជាហ្វេនរបស់តារារ៉េបកម្ពុជាក្ដី ប៉ុន្តែឃើញបែបនេះហ្វេនៗទាំងជាតិនិងអន្តរជាតិ ពិតជាសប្បាយរីករាយជាខ្លាំង និងចង់ឲ្យស្ថាបនិក MGI រូបនេះ អញ្ញើញវណ្ណដាទៅច្រៀងក្នុងកម្មវិធី Miss Grand International លើកក្រោយថែមទៀតផង។

សូមបញ្ចាក់ដែរថា តារារ៉េបវណ្ណដានឹងបង្ហាញវត្តមានក្នុងការប្រគំតន្ត្រីដ៏ធំ BMMF របស់ប្រទេសថៃ នាថ្ងៃទី ១០ ដល់១១ ខែធ្នូ។ ស្របពេលដែលការប្រកាសមិនបានប៉ុន្មានម៉ោងផង នៅលើវេបសាយដែលដាក់សំបុត្រចូលរួម ការប្រគំតន្ត្រីលក់អស់៩ ម៉ឺនសន្លឹកត្រឹមរយៈពេល៩ម៉ោង៕

សូមទស្សនាវីដេអូខាងក្រោម៖