ជីវិតកម្សាន្ដ

សមាគមមិត្តសិល្បៈស្ម័គ្រចិត្តជួយសង្គមសម្រេចផ្តល់មេធាវីជួយរកយុត្តិធម៌ដល់ នៅ ស៊ីនឿនខណ: សាមីខ្លួនកំពុងនៅក្រៅឃុំ

បានផុស

៤ years មុន

នៅ

ថ្ងៃចន្ទ ៤ មករា ២០២១

ដោយ

បន្ទាប់ពីរត់មករកការពឹងពាក់លោក ហេង ឡុង ពីសំណាក់តារាចម្រៀងលោក នៅ ស៊ីនឿន ចំពោះករណីបណ្តឹងឡើងតុលាការកាលពីថ្មីៗនោះ ពេលនេះសមាគមមិត្តសិល្បៈស្ម័គ្រចិត្តជួយសង្គមបានសម្រេចផ្តល់មេធាវីដោយឥតគិតថ្លែជួយរកយុត្តិធម៌ដល់លោក នៅ ស៊ីនឿន ដែលជាតារាច ម្រៀងរបស់ផលិតកម្មហង្សមាស។ នេះបើតាមការបញ្ជាក់ឲ្យដឹងពីលោក ហេង ឡុង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម បានថ្លែងប្រាប់កម្ពុជាថ្មី នៅរសៀ លនេះថា ករណីរបស់លោក នៅ ស៊ីនឿន គឺខាងសមាគមបាននឹងកំពុងធ្វើការសម្របសម្រួលជាមួយមេធាវីរបស់សមាគមដោយឥតគិតថ្លៃ។ លោកថាបច្ចុប្បន្នរឿងរ៉ាវក្តីនេះ កំពុងដំណើរការនៅប្រព័ន្ធតុលាការ។

លោក ហេង ឡុង និយាយទៀតថា ចំពោះតារាចម្រៀងលោក នៅ ស៊ីនឿន បច្ចុប្បន្នកំពុងនៅក្រៅឃុំ។ ខ្ញុំនិងព្យាយាមរកអោយឃើញការពិត ហើយក្នុងករណីបើគាត់(នៅ ស៊ីនឿន)ជួបរឿងអយុត្តិធម៌ខ្ញុំនឹងព្យាយាមឲ្យអស់លទ្ធភាព ដើម្បីតស៊ូតាមផ្លូវច្បាប់រកយុត្តិធម៌ជូនដល់គាត់។ ដោយឡែកលោក នៅ ស៊ីនឿន នៅរសៀលថ្ងៃដដែលនេះ កម្ពុជាថ្មី មិនអាចសុំការសួរនាំបន្ថែមបាននៅឡើយទេ។

សូមរម្លឹកថាលោក ហេង ឡុង កាលពីថ្មីៗនេះបានប្រកាសទម្លាយជាសាធារណ:បង្កការភ្ញាក់ផ្អើលថាតារាចម្រៀងផលិតកម្មរស្មីហង្សមាសលោក នៅ ស៊ីនឿន កាលពីថ្ងៃទី២៨ ខែធ្នូ ឆ្នាំ២០២០ ត្រូវបានតុលាការសម្រេចឃុំខ្លួននៅមណ្ឌលអប់រំកែប្រែទី១ តាមដីកាបង្គាប់ឲ្យឃុំខ្លួនរបស់សាលាដំបូងរាជធានីភ្នំពេញ ក្រោមការចោទប្រកាន់ពីបទ «គំរាមកំហែងថានឹងធ្វើឲ្យខូចខាតនិងប្រើអំពើហិង្សាទៅលើអ្នកកាន់កាប់អចលវត្ថុដោយសុចរិត» ។ ករណីនេះប្រព្រឹត្តនៅចំណុចផ្ទះលេខ ១៧២៩ផ្លូវលំ ភូមិព្រែកតាឡុងទី២ សង្កាត់ចាក់អង្រែក្រោមខណ្ឌមានជ័យ រាជធានីភ្នំពេញ កាលពីឆ្នាំ២០១៩។

នៅថ្ងៃទី២៩ខែធ្នូ ឆ្នាំ២០២០ដោយទទួលបានការសម្របសម្រួលទើបសាលាដំបូងរាជធានីភ្នំពេញក៏បានចេញដីកាសម្រេចអនុញ្ញាតឲ្យលោក នៅ ស៊ីនឿន នៅក្រៅឃុំបណ្ដោះអាសន្នដោយសំអាងហេតុ៨ចំណុច៕

អត្ថបទ ៖ ចាន់រ៉ា