ធ្លាយរូបថត Tao អតីតសមាជិក EXO ណាត់ជួបអតីតអ្នកហាត់ការស្រីរបស់ផលិតកម្ម SM

តារាចម្រៀងនិងតារាសម្តែងចិន Huang Zitao ដែលគេស្គាល់ថា ជាអតីតសមាជិកក្រុម EXO ត្រូវបានគេប្រទះឃើញនៅជាមួយនឹងសិល្បកររួមផលិតកម្ម Xu Yiyang ធ្លាប់ជាអតីតអ្នកហាត់ការនៅផលិតកម្ម SM Entertainment ។

យោងទៅតាមប្រព័ន្ធផ្សព្វផ្សាយរបស់ចិននៅថ្ងៃទី ១ ខែវិច្ឆិកានេះ Huang Zitao និង Xu Yiyang ថ្មីៗនេះត្រូវបានគេថតបាន អ្នកទាំងពីរកំពុងញ៉ាំអាហារនៅភោជនីយដ្ឋានមួយកន្លែង ក្នុងនោះម្តាយរបស់ Huang Zitao ក៏មានវត្តមាននិងចូលរួមអាហារពេលល្ងាចផងដែរ។ យ៉ាងណាមិញ បច្ចុប្បន្ននេះតារាចិនទាំងពីរដួងកំពុងស្ថិតក្រោមផលិតកម្ម L.TAO Entertainment ដែលជារបស់ Huang Zitao ។

គួររំម្លឹកដែរថា Tao និង Xu Yiyang ក៏ធ្លាប់មានពាក្យចចាមអារ៉ាមថាបានណាត់ជួបគ្នាជាច្រើនដងកាលពីខែ វិច្ឆិកា ក្នុងឆ្នាំ ២០២១ ប៉ុន្តែត្រូវបានអ្នកទាំងពីបដិសេធ និងត្រូវបានគេចាប់បានម្តងទៀតនៅក្នុងខែ មេសា ឆ្នាំនេះដោយអ្នកទាំងពីរពំុមានការឆ្លើយតបអ្វីឡើយ៕

ប្រែសម្រួល៖នាងតូច

ចុចអាន៖អ្នកគាំទ្រព្រួយបារម្ភសុខភាព Jisoo ក្រោយប្រទះឃើញដុំពកធំមួយនៅត្រង់ ក

ចុចអាន៖តាមពិត Lee JiHan មិនបានចូលរួមពិធីបុណ្យ Halloween ឡើយ តែស៊ូលះបង់ជីវិត ជួយក្មេងនៅ Itaewon