ជីវិតកម្សាន្ដ

Peach បង្ហាញផ្ទះប្រណិតក្នុងអាគារ ៥០ ជាន់ ក្រោយទម្លាយស្ថានភាពលំបាក ក្នុងនាមជាកូនសេដ្ឋីនៅ ថៃ

បានផុស

២ years មុន

នៅ

ថ្ងៃចន្ទ ៧ វិច្ឆិកា ២០២២

ដោយ

បន្ទាប់ពីទម្លាយភាពលំបាកខ្លាំង ក្នុងនាមជាកូនសេដ្ឋីប្រាក់លានរបស់បុត្រសម្ព័ន្ធ Central Group ក្នុងកម្មវិធីមួយមក ពេលនេះ Peach បានបង្ហាញពីអាគារ៥០ជាន់ ដែលលោករស់នៅសព្វថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតទៅ ផ្ទះរបស់តារាសម្ដែង Peach Phachara ស្ថិតនៅជាន់ទី៥០ នៃ Centara Grand ក្នុងសណ្ឋាគារ Central World ដែលមានទីតាំងនៅកណ្តាលទីក្រុងបាងកកតែម្ដង។ ភ្លាមៗនោះដែរ អ្នកគាំទ្រជាច្រើនបានសម្រុកចូលមើល Instagram របស់ Peach ជាមួយនឹងការ Live ផ្ទាល់ ខណៈទិដ្ឋភាពខាងក្នុងផ្ទះពិតជាប្រណីតនិងអស្ចារ្យខ្លាំងបំផុត។

ទន្ទឹមនោះ ក្រោយបានទស្សនារួចមក មនុស្សជាច្រើនក៏លួចសរសើរតួឯកប្រុសក្នុងរឿង “ពូម៉ូតូឌុបប៉ះសក់” ថា ជាមនុស្សមានសណ្ដាប់ធ្នាប់ល្អ នៃការរស់នៅ បើទោះបីជាលោករស់នៅតែឯងក្ដី។ ម៉្យាងវិញទៀត បច្ចុប្បន្ននេះ Peach ក៏ត្រូវបានគេដឹងថាលោកជាកូនសំណព្វរបស់ម្ចាស់ Central Group និងជាអ្នកស្នងមរតកឲ្យក្រុមហ៊ុនលំដាប់ ដូច្នេះជីវិតក្រោយពីបែកបាក់ជាមួយតារាសម្ដែង Patricia Good ក្នុងនោះក៏មានស្រីៗជាច្រើនតម្រង់ជួរមករកលោកថែមទៀតផង។

គួររម្លឹកដែរថាតារាសម្ដែង Peach Phachara ធ្លាប់បានផ្ដល់បទសម្ភាសន៍ថា លោកមានការពិបាកណាស់ ក្នុងនាមជាកូនសេដ្ឋីប្រាក់លានប្រចាំប្រទេស។ វាមិនមែនងាយស្រួលដូចអ្នកផ្សេងគិត ព្រោះលោកជាមនុស្សមិនទម្លាប់បន្ទោសបង់នៅខាងក្រៅដាច់ខាត ដូច្នេះទើប Peach ត្រូវវិលទៅផ្ទះជាន់ទី៥០ ក្នុងក្រុមហ៊ុន Central Group ដែលមនុស្សជាច្រើនដឹងថា ទីនោះប្រមូលផ្ដុំដោយហាងលក់ទំនិញដ៏ល្បីៗ និងជាប់ចំណាត់ថ្នាក់កំពូលប្រទេសថៃ៕