ជីវិតកម្សាន្ដ

ជាប់ឈ្មោះជារាជិនីម៉ូដ ទោះស្លៀកមិនសមរម្យចេញក្រៅក៏ Chompoo នៅតែស្អាតគ្មានផ្ទឹម

បានផុស

២ years មុន

នៅ

ថ្ងៃចន្ទ ៧ វិច្ឆិកា ២០២២

ដោយ

មហាជនជាច្រើនដឹងហើយថា Chompoo Araya គឺជារាជិនីម៉ូដប្រចាំប្រទេសថៃ ទោះបីនាងស្លៀកបែបណា ក៏នៅតែមានហ្វេនចាំគាំទ្រ និងឲ្យពិន្ទុខ្ពស់ជានិច្ច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក កាលពីពេលថ្មីៗនេះ អ្នកម្ដាយកូន៣ Chompoo Araya បានជ្រើសរើសម៉ូដសំលៀកបំពាក់ពណ៌ស្វាយបែកទឹកដោះគោស្លៀកចេញក្រៅផ្ទះ ព្រមជាមួយនឹងសំណេរបែបកំប្លែងថា “ថ្ងៃសៅរ៍ពណ៌ស្វាយ ខ្ញុំសូមប្រាប់អ្នករាល់គ្នាដែលឃើញឈុតនេះ ត្រូវងាកមើលដង្ហែរគ្នាមិនខានទេ។”

បន្ទាប់ពីរូបថតនេះបានសាយភាយពេញបណ្ដាញសង្គម អ្នកគាំទ្រជាច្រើនបានបញ្ចេញមតិខុសៗគ្នាថា ម៉ូដនេះឆ្ងាញ់ខ្លាំងណាស់ ទោះមើលទៅមិនសូវសម តែយ៉ាងណា នៅតែស្រស់ស្អាតខ្លាំងដដែល ខណៈអ្នកផ្សេងៗទៀតក៏បានបញ្ចេញមតិបែបលេងសើចថា បើខុសពី Chompoo ម៉ូដនេះលែងជារាជិនីម៉ូដហើយ អាចត្រូវគេដេញវ៉ៃតាមផ្លូវ ឬសម្លឹងមើលលើក្រោមផងមិនដឹង។

ទោះយ៉ាងណា តារាសម្ដែងជួរមុខ Chompoo Araya មិនថានាងរើសសំលៀកបំពាក់បែបណាមកស្លៀកបង្ហាញលើអ៊ីនធឺណិតឬពេលចេញក្រៅទេ តែរាល់ឈុតរបស់នាងនីមួយៗ បានក្លាយជានិន្នាការសម្រាប់មនុស្សជាច្រើនក្នុងការស្លៀកពាក់ផងដែរ៕