ជីវិតកម្សាន្ដ
ឥណ្ឌូណេស៊ី ផ្អាកការប្រគំតន្ត្រីរបស់ K-pop បន្ទាប់ពីអ្នកគាំទ្រដួលសន្លប់តគ្នា (មានវីដេអូ)
យោងទៅតាមទីភ្នាក់ងារសារព័ត៌មានរដ្ឋឥណ្ឌូណេស៊ីរាយការណ៍ថា ប៉ូលិសបានបញ្ឈប់ការប្រគំតន្ត្រីរបស់ក្រុមចម្រៀង K-pop NCT 127 កាលពីថ្ងៃសុក្រ នៅទីក្រុងហ្សកាតា ក្រោយមនុស្សចំនួន ៣០ នាក់បានដួលសន្លប់ នៅពេលអ្នកគាំទ្រចាប់ផ្តើមរុញគ្នាដើម្បីចូលទៅជិតឆាក។

ទីភ្នាក់ងារព័ត៌មានបាននិយាយថា កម្មវិធីនេះមានអ្នកចូលរួមយ៉ាងតិច ៨០០០នាក់ បានដំណើរការប្រហែល ២ ម៉ោង ២០ នាទី ក្នុងអំឡុងពេលនៃការប្រគុំតន្ត្រីក្រុម NCT បានគប់ freebies (វត្ថុអនុស្សវរីតូចៗ) ចូលទៅក្នុងហ្វូងមនុស្សឯក្រោមឆាក រួចអ្នកគាំទ្របានរុញរបាំងការពារនៅខាងមុខឆាក សម្រុកទៅយករបស់អស់នោះ ជាហេតុធ្វើឲ្យមានការជាន់គ្នា។

ក្នុងនោះអ្នកនាំពាក្យប៉ូលិសលោក Endra Zulpan បាននិយាយថា” ការប្រគុំតន្ត្រីត្រូវបានបញ្ឈប់ ដើម្បីសុវត្ថិភាពទស្សនិកជន។ ប៉ូលិសបានបញ្ឈប់ការសម្តែង នៅពេលដែលទស្សនិកជនបានឆ្ពោះ ទៅកាន់មុខឆាកដែលក្រុមអ្នកសំដែងនៅទីនោះ ហើយការប៉ះទង្គិចនៃហ្វូងមនុស្សបានចាប់ផ្តើមកើតឡើង ដែលបណ្តាលឱ្យមនុស្ស ៣០ នាក់បាត់បង់ស្មារតី ” ភ្លាមៗ។

ជនរងគ្រោះទាំងអស់ ត្រូវបានរាយការណ៍មកថា បានទទួលការសង្រោះបឋមពីគ្រូពេទ្យនៅនឹងកន្លែង គ្មាននរណាម្នាក់ក្នុងចំណោមពួកគេតម្រូវឱ្យចូលមន្ទីរពេទ្យទេ។ ជាមួយគ្នានេះ ទីភ្នាក់ងារព័ត៌មានបានបន្ថែមទៀតថា បន្ទាប់ពីបញ្ចប់ការប្រគុំតន្ត្រី ប៉ូលិសបានធ្វើឱ្យប្រាកដថា ទស្សនិកជនបានចាកចេញពីកន្លែងនោះដោយសុវត្ថិភាព ដើម្បីការពារកុំឱ្យមានការឧប្បត្តិហេតុដល់ហ្វូងមនុស្សផ្សេងទៀត។

យ៉ាងណាមិញ ថ្ងៃទី ២ នៃការប្រគុំតន្ត្រីរបស់ NCT 127 បានប្រព្រឹត្តទៅកាលពីថ្ងៃសៅរ៍ អ្នករៀបចំកម្មវិធីដែលគ្រប់គ្រងសណ្តាប់ធ្នាប់នៅក្នុងផ្នែកឈរ ដើម្បីការពារសុវត្ថិភាពរបស់អ្នកទស្សនា ក៏ដូចជាប៉ូលីសមិនអនុញ្ញាតឱ្យក្រុម NCT ផ្តល់អំណោយវត្ថុអនុស្សវរីដល់អ្នកគាំទ្រឡើយ៕
ប្រែសម្រួល៖នាងតូច
ចុចអាន៖Blackpink នៅតែរក្សាតំណែងលើតារាង Billboard 200 ខណៈមិនទាន់មានក្រុមណាវ៉ាដាច់
ចុចអាន៖ធ្លាយរូបថត Tao អតីតសមាជិក EXO ណាត់ជួបអតីតអ្នកហាត់ការស្រីរបស់ផលិតកម្ម SM

-
ព័ត៌មានអន្ដរជាតិ១២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?