តារា K-Pop ស្រករក្រោយ ១៣ រូប សុទ្ធតែមិនមែនជាជនជាតិកូរ៉េខាងត្បូង

មួយរយៈពេលចុងក្រោយនេះវិស័យ K-Pop កាន់តែមានប្រជាប្រិយភាពទូទាំងពិភពលោក​ ក្នុងនោះជនជាតិបរទេសជាច្រើនកំពុងហ្វឹកហាត់ជាអ្នកហាត់ការឲ្យផលិតកម្មផ្សេងៗ និងមានអ្នកដទៃទៀត បានបង្ហាញខ្លួនជាផ្លូវការ ក្នុងនាមតារា K-Pop ជាមួយក្រុមនៅឆ្នាំ ២០២២ នេះ។

ខាងក្រោម គឺជាតារា K-Pop ទាំង ១៣ នាក់ មិនមែនជាជនជាតិកូរ៉េ ដែលទើបតែបង្ហាញខ្លួនក្នុងឆ្នាំនេះ៖

១ Mashiro សមាជិកក្រុម Kep1er

Mashiro គឺជាមេក្រុម Kep1er នាងជាជនជាតិជប៉ុន ហើយនាងកើតនៅទីក្រុងតូក្យូ ប្រទេសជប៉ុន។

២ Xiaoting សមាជិកក្រុម Kep1er

Xiaoting គឺជាសមាជិកពូកែរាំប្រចាំក្រុម Kep1er នាងជាជនជាតិចិន ហើយនាងកើតនៅទីក្រុង Chengdu ប្រទេសចិន។

៣ Hikaru សមាជិកក្រុម Kep1er

Hikaru ជាសមាជិកជនជាតិជប៉ុនទីពីរ បន្ទាប់ពី Mashiro ដែលនាងមានកើតនៅទីក្រុង Fukuoka ប្រទេសជប៉ុន។

៤ Kazuha សមាជិកក្រុម LE SSERAFIM

Kazuha គឺជាអ្នកច្រៀង រ៉េប និងជាអ្នករាំប្រចាំក្រុម LE SSERAFIM នាងជាជនជាតិជប៉ុននាង កើតនៅទីក្រុង Osaka ប្រទេសជប៉ុន។

៥ Hanni សមាជិកក្រុម NewJeans

Hanni គឺជាសមាជិកក្រុម NewJeans នាងកើតនៅទីក្រុង Melbourne ប្រទេសអូស្ត្រាលី ហើយឪពុកម្តាយរបស់នាងជាជនជាតិវៀតណាម។

៦ ​Hanbin សមាជិកក្រុម TEMPEST

Hanbin គឺជាអ្នកច្រៀងនាំមុខ និងជាអ្នករាំនាំមុខប្រចាំក្រុម TEMPEST ហើយសមាជិករូបនេះជាជន ជាតិវៀតណាម ដែលកើតនៅទីក្រុង Yên Bái ប្រទេសវៀតណាម។

៧ Mikey សមាជិកក្រុម BLANK2Y

Mikey គឺជាសមាជិកក្រុម BLANK2Y ដែលមានដើមកំណើតជាជនជាតិជប៉ុន លោកកើត Hyogo ប្រទេសជប៉ុន។

៨ U សមាជិកក្រុម BLANK2Y

U គឺជាសមាជិកក្រុម BLANK2Y ដែលលោកមានដើមកំណើតជាជនជាតិចិន។

៩ Shana សមាជិកក្រុម Lapillus

Shana គឺជាមេក្រុម និងជាអ្នកចម្រៀងនាំមុខប្រចាំក្រុម Lapillus ហើយនាងមានដើមកំណើតជាជនជាតិជប៉ុន នាងកើតនៅក្រុង Kochi ប្រទេសជប៉ុន។

១០ Chanty សមាជិកក្រុម Lapillus

Chanty គឺជាអ្នកច្រៀងនាំមុខប្រចាំក្រុម Lapillus នាងជាជនជាតិហ្វីលីពីនកាត់អាហ្សង់ទីន ហើយនាងកើតនៅទីក្រុងម៉ានីល ប្រទេសហ្វីលីពីន។

១១ Yue សមាជិកក្រុម Lapillus

Yue គឺជាអ្នកចំរៀងសំខាន់ប្រចាំក្រុម Lapillus ហើយនាងកើតនៅរដ្ឋកាលីហ្វ័រញ៉ា ហើយឪពុកម្តាយ ជនជាតិចិន។

១២ Winnie សមាជិកក្រុម NINE.i

Winnie គឺជាអ្នករ៉េបប្រចាំក្រុម NINE.i ហើយលោកមានដើមកំណើតជាជនជាតិថៃ។

១៣ Yuna សមាជិកក្រុម CSR

Yuna គឺជាសមាជិកនៃក្រុម CSR ហើយនាងមានដើមកំណើតជាជនជាតិជប៉ុន នាងកើតនៅទីក្រុង Ibaraki ប្រទេសជប៉ុន៕

ប្រែសម្រួល៖នាងតូច

ចុចអាន៖ឥណ្ឌូណេស៊ី ផ្អាកការប្រគំតន្ត្រីរបស់ K-pop បន្ទាប់ពីអ្នកគាំទ្រដួលសន្លប់តគ្នា (មានវីដេអូ)

ចុចអាន៖Blackpink នៅតែរក្សាតំណែងលើតារាង Billboard 200 ខណៈមិនទាន់មានក្រុមណា​វ៉ាដាច់