ជីវិតកម្សាន្ដ
លោក ទេព រិន្ទដារ៉ូ រំលឹកបណ្តាំចុងក្រោយរបស់ឪពុក ដែលធ្វើឲ្យលោករឹងមាំដល់សព្វថ្ងៃ
លោក ទេព រិន្ទដារ៉ូ គឺជាតារាភាពយន្តជើងចាស់ដ៏ល្បីឈ្មោះ និងមានភាពលេចធ្លោលើវិថីសិល្បៈក្នុងទសវត្សរ៍ឆ្នាំ ៨០ និង ៩០ រួមជំនាន់ជាមួយអ្នកនាង អម្ពរ ទេវី ដែលជាដៃគូសម្តែងដ៏ស័ក្តិសមបំផុតនាសម័យនោះ។

បើគិតរហូតមកទល់បច្ចុប្បន្ននេះ គឺតារាសម្តែងល្បីឈ្មោះ លោក ទេព រិន្ទដារ៉ូ បានប្រឡូកក្នុងវិស័យសិ ល្បៈ រយ:ពេលប្រមាណជាង ៣០ឆ្នាំហើយ ខណ:ដែលការគាំទ្រ និងប្រជាប្រិយភាព នៅតែរក្សាបានខ្ពស់ដូចដើម លើវិស័យភាពយន្តខ្មែរ។ ដោយសារតែហេតុផលនេះហើយ ទើបជារឿយៗលោក ទេព រិន្ទដារ៉ូ តែងបង្ហាញពីការដឹងគុណចំពោះមហាជន ដែលបានគាំទ្រលោកតាំងពីដើមរៀងមក។

យ៉ាងណាមិញ បើងាកមកចាប់អារម្មណ៍ជីវិតឯកជនក្រៅឆាករបស់លោក ទេព រិន្ទដារ៉ូ ឯណ្ណោះវិញកន្លងប្រហែលមានអ្នកគាំទ្រ និងទស្សនិកជនតិចណាស់ ដែលបានដឹងពីប្រវត្តិកម្សត់របស់លោក មុនពេលបានល្បីដូចសព្វថ្ងៃនេះ។ តាមរយ:កិច្ចសម្ភាសន៍មួយកាលពីថ្មីៗកន្លងទៅ លោក ទេព រិន្ទដារ៉ូ បានរៀបរាប់នូវជីវិតដ៏កម្សត់ និងលំបាកដែលឆ្លងកាត់សម័យយ៉ាងឈឺចាប់ (ជំនាន់ប៉ុលពត) ហើយត្រូវបានបាត់បង់លោកឪពុកជាទីស្រលាញ់ក្នុងពេលនោះ។

រឿងរ៉ាវដែលធ្វើឲ្យតារាសម្តែងជើងចាស់រូបនេះ លើកមកនិយាយទាំងអួនដើមក និងចង់ចាំមិនភ្លេចក្នុងឆាកជីវិតគ្រួសារនោះ គឺជាបណ្តាំចុងក្រោយរបស់លោកឪពុកជាទីស្រលាញ់ គ្រាដែលលោក (ទេព រិន្ទដារ៉ូ) ទើបអាយុ ១៣ឆ្នាំ ដោយលើកឡើងថា «លោកឪពុកបានផ្តាំលោកឲ្យមើលថែគ្រួសារឲ្យបានល្អហើយពាក្យនេះហើយ ដែលធ្វើឲ្យរូបលោករឹងមាំដល់សព្វថ្ងៃ និងធ្វើជាមេគ្រួសារដ៏ល្អ»។

ត្រង់ចំណុចនេះ បានធ្វើឲ្យអ្នកគាំទ្រមួយចំនួនធំសម្តែងការអាណិត និងបន្តលើកទឹកចិត្តដល់លោក ទេ ព រិន្ទដារ៉ូ។ សូមបញ្ជាក់ដែរថាលោក ទេព រិន្ទដារ៉ូ គឺជាតារាជើងចាស់មួយរូប ដែលបានចូលប្រឡូកក្នុងវិស័យសិល្បៈផ្នែកសម្តែង អស់ រយៈពេល ៣ទសវត្សរ៍ជាងមកម្ល៉េះ និងមានប្រជាប្រិយភាពមិនរីងស្ងួតមកដល់សព្វថ្ងៃ។ លោកក៏តែងទទួលបានការគាំទ្រ និងសរសើរខ្លាំងចំពោះសមត្ថភាព និងភាពរុះរាយរាក់ទាក់អ្នកនៅជុំវិញខ្លួន៕
អត្ថបទ៖ ចាន់រ៉ា

-
ព័ត៌មានអន្ដរជាតិ៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?