អ្នកមេម៉ាយ ពេជ្រ សូលីកា បើកបេះដូងទទួលយកអ្នកថ្មីហើយឬ?  

អ្នកមេម៉ាយចាយសម្រស់ ពេជ្រ សូលីកា មួយរយ:ចុងក្រោយនេះ ហាក់ជួបប្រទះនូវរឿងរ៉ាវស្មុគស្មាញនិងមិនសប្បាយចិត្តមួយចំនួន ពោលគឺចាប់តាំងពីមានដំណឹង នៃការបែកបាក់ស្វាមីមក។ ជាការកត់សម្គាល់អ្នកនាង ពេជ្រ សូលីកា គឺ​បច្ចុប្បន្នរំលងបញ្ហាមួយចូលដល់បញ្ហាមួយ ខណ:សាមីខ្លួនស្ទើរតែបាក់ទឹកចិត្តទៅហើយ។

ប៉ុន្តែកាលពីថ្មីៗនេះ ​អ្នកម្ដាយ Single រូបនេះ ហាក់មានភាពរឹងមាំឡើងវិញ ពិសេសគឺជារើយៗ នាងបានបង្ហាញការតុបតែងខ្លួនឡើងខ្ញង់ និងស្រស់ស្អាតមិនចាញ់ក្រមុំឡើយ ហើយឧស្សាហ៍ធ្វើដំណើរកម្សាន្ត ដើម្បីរំសាយអស់ទុក្ខកង្វល់នានាផងដែរ។

ជាក់ស្តែងមុននេះ ពេជ្រ សូលីកា បានធ្វើដំណើរកម្សាន្តនៅឯសមុទ្រ ហើយបង្ហោះរូបថតប៉ុន្មានសន្លឹកភ្ជាប់ជាមួយ Caption ថា «ស្រី Na និងស្រី ley បានជួបគ្នាហើយ នៅឡើយតែស្រីកា ហើយនឹងបងមិនទាន់បានជួបគ្នា»។

ថ្វីត្បិត ពេជ្រ សូលីកា បញ្ជាក់ថា មិនទាន់រកគូឃើញក៏ពិតមែន តែអ្នកគាំទ្រមួយចំនួននៅតែគិតថា នាង​មានទំនាក់ទំនងស្នេហាជាមួយ ថុល សុភិទិ។ ប៉ុន្តែដំណឹងនេះ ទាំងសូលីកា និងភិទិ ធ្លាប់បានជម្រះមន្ទិលស្នេហ៍រួចហើយថា ពួកគេគ្រាន់តែជាអ្នករួមការងារជាមួយគ្នាប៉ុណ្ណោះ ហើយរឿងស្នេហាគឺមិនពិតទេ។

បន្ទាប់ពីរឿងរ៉ាវនេះស្ងប់ស្ងាត់មួយរយៈខ្លី ស្រាប់ថ្មីៗនេះគេឃើញ ពេជ្រ សូលីកា បង្ហោះសារថា «ចង់មា នថ្មីដែរ តែខ្លាចខ្លួនឯងលែងចេះស្មោះ»។ ទោះបីជាយ៉ាងណា ពេលនេះ ពេជ្រ សូលីកា ទំនងជាបើកបេះដូងវិញ ដោយមុននេះនាងទើបបង្ហោះរូបថតថ្មី ភ្ជាប់ខ្លឹមសារខ្លីចេញពីសមុទ្រហើយប្រាប់ថា «ភ្នំខ្ព ស់ប៉ុណ្ណា ក៏នៅតែចាញ់បេះដូងស្មោះអ្នកមេម៉ាយ» ៕

អត្ថបទ៖ ចាន់រ៉ា