Selena ហៅការបែកបាក់ជាមួយ Justin គឺជារឿងល្អបំផុត និងមិនធ្លាប់មានក្នុងជីវិតនាង

Selena Gomez បានឆ្លុះបញ្ចាំងពីទំនាក់ទំនងអតីតកាលរបស់នាងជាមួយ Justin Bieber ដោយហៅការបែកបាក់ក្នុងឆ្នាំ ២០១៨ ថាជា “រឿងល្អបំផុតដែលមិនធ្លាប់មាន ក្នុងជីវិតរបស់នាង”។

នៅក្នុងភាពយន្តឯកសាររបស់ Selena Gomez: My Mind & Me នាងបាននិយាយអំពីការបញ្ចប់ ​​​​ទំនាក់ទំនងសាធារណៈរបស់នាងជាមួយ Justin Bieber ថា “វាលើសពីការបាត់បង់ស្នេហាទៅទៀត ។ វាបានបង្រៀនខ្ញុំឲ្យចេះជ្រើសរើសខ្លួនឯង ជ្រើសរើសជីវិត ហើយខ្ញុំក៏សង្ឃឹមថាអ្នកទាំងអស់គ្នា អាចរកឃើញខ្លួនឯងក៏ដូចសន្តិភាពនៅក្នុងជីវិតនេះផងដែរ”។

នាងបានបន្តទៀតថា “ខ្ញុំមានអារម្មណ៍ថាត្រូវបានលងបន្លាចដោយទំនាក់ទំនងអតីតកាលដែលគ្មាន ​នរណាម្នាក់ចង់បោះបង់ បន្ទាប់មកខ្ញុំគ្រាន់តែឆ្លងកាត់វា ដោយមិនភ័យខ្លាចអ្វីទាំងអស់។ ខ្ញុំមានអារម្មណ៍ថា ខ្ញុំត្រូវឆ្លងកាត់ការខូចចិត្តដ៏អាក្រក់បំផុតដែលមិនធ្លាប់មាន ហើយបន្ទាប់មកគ្រាន់តែភ្លេចអ្វីៗ ទាំងអស់ចោល វាពិតជាច្របូកច្របល់ ប៉ុន្តែខ្ញុំគ្រាន់តែគិតថាវាត្រូវតែកើតឡើង ហើយចុងក្រោយវាគឺ ជារឿងល្អបំផុតដែលមិនធ្លាប់មានចំពោះខ្ញុំ”។

ខណៈពេលដែលគូរសេ្នហ៍មួយនេះបានបែកគ្នាអស់រយៈពេលជាច្រើនឆ្នាំ ជាពិសេសនៅចំពោះមុខសាធារណៈជនទូទាំងពិភពលោកនៅតែបន្តសង្ស័យការបែកបាក់ទំនាក់ទំនងរបស់ពួកគេ នឹងធ្វើឱ្យអ្នកម្នាក់មានភាពសោកសៅ ដែលជាមូលហេតុ Selena បានបញ្ចេញអារម្មណ៍របស់នាងក្នុងភាពយន្ត ឯកសារ Selena Gomez: My Mind & Me ៕

ប្រែសម្រួល៖នាងតូច

ចុចអាន៖Hailey បកស្រាយរឿងគេចោទថា ដណ្ដើម Justin Bieber ចេញពី Selena Gomez

ចុចអាន៖ក្រោយបាត់មុខ ៦ ឆ្នាំ Rihanna ត្រឡប់មកវិញ ក្នុងគម្រោងធំៗ