តម្លៃគ្រឿងអលង្ការមួយឈុតរបស់ Aum អាចទិញភូមិគ្រឹះកណ្ដាលក្រុងបានយ៉ាងធូរ

បង្ហាញខ្លួនក្នុងកម្មវិធីតាំងពិព័រណ៍គ្រឿងអលង្ការ កាលពី៣ថ្ងៃមុន កំពូលតារាជួរមុខថៃ Aum Patcharapha សម្ញែងខ្សែក ក្រវិល រួមទាំងចិញ្ចៀនពេជ្រ យ៉ាងប្រណីត និងមានមានតម្លៃកប់ពពពក សរុបរហូតដល់រាប់រយលានបាត ដែលធ្វើឱ្យមហាជនដឹងហើយ​​ នាំគ្នាបើកភ្នែកធំៗសឹងគ្រប់គ្នា។

នៅក្នុងព្រឹត្តិការណ៍ពិព័រណ៍​ម៉ាក​គ្រឿងអលង្ការ​ប្រណីត​របស់​ប្រទេស​ថៃ​ កាលពីថ្ងៃទី៨ ខែវិច្ឆិកា ឆ្នាំ២០២២ កន្លងទៅថ្មីៗនេះ Aum Patcharapha បាន​បង្ហាញ​វត្តមាន​ក្នុង​រ៉ូបពណ៌ខ្មៅ​គ្មាន​ខ្សែ​សាមញ្ញប៉ុណ្ណោះ ប៉ុន្តែគ្រឿងអលង្ការដែលនាងបានពាក់បង្អួតមហាជនវិញ សរុបជាប្រាក់ដល់ទៅ ២០០លានបាត (ជាង ៥.៤លានដុល្លារអាមេរិក) ពោលបើយកទៅទិញភូមិគ្រឹះកណ្ដាលក្រុងបាងកក នាងអាចទិញបានយ៉ាងធូរបំផុត។

ក្រោយសាធារណជន​បានដឹងនូវតម្លៃគ្រឿងអលង្ការមួយឈុតរបស់ Aum គ្រប់គ្នាបានសម្ដែងការស្ញប់ស្ញែងជាខ្លាំងលើតារាស្រីវ័យ ៤៣ឆ្នាំរូបនេះ ព្រោះទម្រាំអាចតែងខ្លួនហាយសូរដូចពេលនេះ នាងធ្លាប់ឆ្លងកាត់ជីវិតជូរចត់មិនស្ទើរនោះទេ៕

ប្រែសម្រួល៖ សន្យា

ចុចអាន៖ សង្សារហាយសូររបស់ Aum យកកាដូរថយន្ត មកឱ្យមិត្តស្រីដល់ផ្ទះ

ចុចអាន៖ Bella បង្ហោះសារយ៉ាងខ្លី តែមហាជនសង្ស័យនាងកំពុងសាងស្នេហ៍ថ្មី