ក្រោយដឹងចំណូលចិត្ត Gong Yoo អ្នកគាំទ្ររាងហួសចិត្ត

តារាសម្ដែង Gong Yoo បើទោះបីជាមានអាយុជ្រេក្ដី តែសម្រស់លោកនៅតែទាក់ទាញស្រីៗ​ស្រករក្រោយ​ជានិច្ច។ ជាក់ស្ដែង​ ក្រោយ​ដឹង​ពី​ចំណូលចិត្ត​រូបលោក ហ្វេនជាច្រើនមាន​ការ​ហួសចិត្ត​គ្រប់គ្នា។

តារាសម្ដែង​កូរ៉េខាងត្បូងរូបនេះ​ បាន​និយាយថាបន្ទាប់ពីទំនេរ​ពី​​កម្មវិធីឬ​សម្ដែង​ លោកតែង​រកវិធី​ដោះស្រាយ​​ភាពឯកា ដូចជា​​​សកម្មភាពនេសាទ​ជាដើម។ បន្ថែមពីនេះ Gong Yoo បាន​បង្កើតកំណត់ត្រាផ្ទាល់ខ្លួនរបស់លោក​ សម្រាប់ការនេសាទដែលមានប្រវែង ៧៥ សង់ទីម៉ែត្រ។ បន្ទាប់ពីថតរូបបង្ហោះ​ចូល Instagram ផ្ទាល់ខ្លួន Gong Yoo ក៏​បាន​ដោះលែង​ត្រី​នោះ​ចូល​ទៅ​ក្នុង​ទឹក​វិញ​ថែម​ទៀតផង។

យ៉ាងណាមិញ ​ហ្វេនៗ​ដែល​ចាំ​គាំទ្រ​រូប​លោក​ក៏​រាង​ហួសចិត្ត​បន្តិច​ដែរ ​ព្រោះ​ទម្លាប់ Gong Yoo ពិតជា​មាន​ភាព​សាមញ្ញ​ខ្លាំង ​សឹង​មិន​ស្មាន​ថា​ លោក​មាន​ចំណូលចិត្ត​បែប​នេះ​ទេ ​ក្រៅ​ពី​ទំនេរ​ពី​ការងារ​សិល្បៈ។

សូម​ជម្រាប​ថា Gong Yoo ជាតារាសម្តែងកូរ៉េខាងត្បូង ដែលកសាង​ភាព​ល្បី​ល្បាញ​តាមរយៈ​រឿង​ភាគកូរ៉េ The Chaotic Love of Coffee Princeឬ Coffee Prince ដែល​ត្រូវ​បាន​ចាក់ផ្សាយ​នៅ​លើ​ស្ថានីយ៍​ទូរទស្សន៍ MBC និង​ចូលរួម​សម្តែងជាមួយតារាស្រី Yoon Eun Hye ៕

ប្រែសម្រួល៖ សាង ស្រីល័ក្ខ

ចុចអាន៖មកមើលសម្រស់ភរិយាប្រធានាធិបតី កូរ៉េខាងត្បូង ដែលទើបមកដល់ កម្ពុជា