BLACKPINK ក្លាយជាក្រុមចម្រៀងស្រី K pop ដំបូងគេ ឈ្នះពានរង្វាន់ MTV EMAs ចំនួន ២

BLACKPINK ក្លាយជាក្រុមចម្រៀងនារី Kpop ដំបូងគេដែលឈ្នះពានរង្វាន់ចំនួនពីរក្នុងកម្មវិធី “2022 MTV Europe Music Awards” ដែលជាកម្មវិធីប្រគល់ពានរង្វាន់តន្ត្រីដ៏ធំបំផុតនៅអឺរ៉ុប។

នៅថ្ងៃទី ១៣ ខែវិច្ឆិកា (ម៉ោងនៅក្រៅស្រុក) កម្មវិធីប្រគល់ពានរង្វាន់ 2022 MTV European Music Awards បានប្រព្រឹត្តទៅនៅទីក្រុង Düsseldorf ប្រទេសអាល្លឺម៉ង់។ នៅថ្ងៃនេះ BLACKPINK បានឈ្នះពានរង្វាន់ Best Metaverse Performance Award ហើយសមាជិកក្រុម Lisa បានឈ្នះពានរង្វាន់ Best K-Pop Award ជាមួយនឹងអាល់ប៊ុមទោលរបស់នាង ‘LALISA’ ។

ដោយសារ BLACKPINK មិនអាចទៅចូលរួមផ្ទាល់បានទេ ទើបពួកគេធ្វើសុន្ទរកថាតាមរយៈវីដេអូថា “វាជាគម្រោងមួយ ដែលពួកយើងមានការរៀបចំយ៉ាងសប្បាយរីករាយ។ យើងតែងតែដឹងគុណចំពោះការគាំទ្ររបស់ Blink (ជាឈ្មោះអ្នកគាំទ្ររបស់BLACKPINK) ដែលបានធ្វើឱ្យវាអាចទៅរួចសម្រាប់ពួកយើងដើម្បីទទួលបានពានរង្វាន់ដ៏មានតម្លៃបែបនេះ។ ជួបគ្នាក្នុងការប្រគំុតន្ត្រីទេសចរណ៍ជំុវិញពិភពលោក។”

ទន្ទឹមនឹងនេះដែរ ក្រុម BLACKPINK កំពុងតែមមាញឹកការប្រគុំតន្ត្រី born pink របស់ពួកគេនៅអាមេរិកខាងជើង នឹងផ្លាស់ទៅអឺរ៉ុបក្នុងខែវិច្ឆិកា និងខែធ្នូ ដើម្បីសម្តែងចំនួន ១០ នៅក្នុងទីក្រុងចំនួន ៧ នឹងឆ្នាំ ២០២៣ ពួកគេបន្តការប្រគុំតន្ត្រី អាស៊ី និង អូស្ដ្រាលី ៕

ប្រែសម្រួល៖នាងតូច

ចុចអាន៖Jungkook សមាជិកក្រុម BTS នឹងសម្តែងក្នុងពិធីបើកព្រឹត្តិការណ៍ FIFA World Cup ឆ្នាំ ២០២២

ចុចអាន៖Minho សមាជិកក្រុម SHINee នឹងចេញអាល់ ប៊ុមទោលដំបូង នៅខែក្រោយនេះ